NAJJAR
30/05/2007, 11:03 AM
حكايات جدى
( حكاية الجنيه المصرى )
روح يا جنيه و ِتَعَالى يا جنيه
و قول لِّنا إنتَ حِكَايتَك ايه !!!
كنت ف جَرَّة خَرَجت ل بَرَّة
وَ الاَّ المَركَزِى ضِحكوا عَليه؟
يوم ف العالِى و سَنَة ف الوَاطِى
شوف لَك حَلّ و ارسَى عَلْيه
دَوَّخت الدّنيا وِ اتْحَيَّر
ألفَلاَّح وِ سَعادِة البِيه
يوم بِيقولوا وِقع مِن طوله
وِ سَنَدناه مَعرَفشِ ب ايه
و يوم بيقولوا سِيبوه هَايعَدِّى
بَحر الغَلا ناشفِين رِجليه
وِ يوم يِدّونا ف ايدنا الرّبع
و يوم ياخدوه و النّصّ عَليه
فين أيّام الرّطل بقِرش
تِتلَمّ العِيلَة حَوَاليه ؟؟؟!!
كَان مَلِّيم نِكلَة و تَعرِيفَة
وَ أبو تَلاتَة ابيَضْ بقى بِجنيه !!!
جِدِّى الحاجّ حَكَالى و قَالِّى
سِرّ مَاقولْشِى لِحَدّ عَليه
إنّ سَعَادتَكْ كنتِ برِيمو
وِ الأَخضَر تِعمِلهَا عَليه !!!
و كانِ المَصرِى خدَّامه سِتَّة
م الخَوَاجَات بِيبوسوا رِجليه*
وِ ف حضنَك بِينام يِدَّفَّى
وِ العَالَم سَقعَان حَوَاليه
وادِى النِّيل كان وادِى البَرَكَة
أرزه و قمحه و قطنه يا بيه
جِدِّى الحاجّ حَكَالى و قَالِّى
سِرّ مَاقولْشِى لِحَدّ عَليه
كانوا بِيغَنّوا لَك أغنِيَّة
م الامَارات حَتَّى السَعودِيَّة
العشَّاق كانوا لَمَّا يِحِبّوا
يِتغَنّوا بِالحبّ شِوَيَّة
كانوا بِيقولوا شَرِيفَة و زينَة
مِثل حِنيه مَصرِى و عَرَبِيَّة
و سَمّوا كلّ الغَالِى مَصَارِى
لَجل عيونَك كَات أغنِيَّة
ايه صَابَك يابنِ العَوَّام
تِغرَق هيكِ ف شِبرين مَيَّة ؟؟؟!!
الدّنيا مال حَالها و رَاح
إبن الباشا و ابنِ الفَلاَّح
دود الأرضِ طِلِع و بياكل
أسَدِ الغابَة مَعَ التِّمساح
يا خسارتَك يا جنيهنا الغَالى
ال و يقولوا فَدى الاصلاح !!!!
( حكاية الجنيه المصرى )
روح يا جنيه و ِتَعَالى يا جنيه
و قول لِّنا إنتَ حِكَايتَك ايه !!!
كنت ف جَرَّة خَرَجت ل بَرَّة
وَ الاَّ المَركَزِى ضِحكوا عَليه؟
يوم ف العالِى و سَنَة ف الوَاطِى
شوف لَك حَلّ و ارسَى عَلْيه
دَوَّخت الدّنيا وِ اتْحَيَّر
ألفَلاَّح وِ سَعادِة البِيه
يوم بِيقولوا وِقع مِن طوله
وِ سَنَدناه مَعرَفشِ ب ايه
و يوم بيقولوا سِيبوه هَايعَدِّى
بَحر الغَلا ناشفِين رِجليه
وِ يوم يِدّونا ف ايدنا الرّبع
و يوم ياخدوه و النّصّ عَليه
فين أيّام الرّطل بقِرش
تِتلَمّ العِيلَة حَوَاليه ؟؟؟!!
كَان مَلِّيم نِكلَة و تَعرِيفَة
وَ أبو تَلاتَة ابيَضْ بقى بِجنيه !!!
جِدِّى الحاجّ حَكَالى و قَالِّى
سِرّ مَاقولْشِى لِحَدّ عَليه
إنّ سَعَادتَكْ كنتِ برِيمو
وِ الأَخضَر تِعمِلهَا عَليه !!!
و كانِ المَصرِى خدَّامه سِتَّة
م الخَوَاجَات بِيبوسوا رِجليه*
وِ ف حضنَك بِينام يِدَّفَّى
وِ العَالَم سَقعَان حَوَاليه
وادِى النِّيل كان وادِى البَرَكَة
أرزه و قمحه و قطنه يا بيه
جِدِّى الحاجّ حَكَالى و قَالِّى
سِرّ مَاقولْشِى لِحَدّ عَليه
كانوا بِيغَنّوا لَك أغنِيَّة
م الامَارات حَتَّى السَعودِيَّة
العشَّاق كانوا لَمَّا يِحِبّوا
يِتغَنّوا بِالحبّ شِوَيَّة
كانوا بِيقولوا شَرِيفَة و زينَة
مِثل حِنيه مَصرِى و عَرَبِيَّة
و سَمّوا كلّ الغَالِى مَصَارِى
لَجل عيونَك كَات أغنِيَّة
ايه صَابَك يابنِ العَوَّام
تِغرَق هيكِ ف شِبرين مَيَّة ؟؟؟!!
الدّنيا مال حَالها و رَاح
إبن الباشا و ابنِ الفَلاَّح
دود الأرضِ طِلِع و بياكل
أسَدِ الغابَة مَعَ التِّمساح
يا خسارتَك يا جنيهنا الغَالى
ال و يقولوا فَدى الاصلاح !!!!