فرمان عثماني
الفتونة عصر
وأهو فات
زرعة ولاد
الحرامية
مماليك وذوات
في عصر
موت الحرية
كات حاكمه حارات
مليانه شعب
بعد ممات
هزمهم جيش
تركيا
*****
منهم لله
أولاد عثمان
لهفوا الخلافة
بكتاب فرمان
وحبسوها
في باب عالي
من ناس عايشه
لكن أموات
مع أن لسه
الروح فيهم
واكلين شاربين
ذل و إهانات
والقلب رغم
الم الحسرة
لسه فيه
نبض ودقات
****
أصل المصيبة
في حب الذات
لو قلت سبني
بقي ف خالي
ابعدني يا عم
عن دول بالذات
وسبني بقي
أربي عيالي
زرعوها مهنة
في حبة عضلات
طرحت شجر
منفوخ ع الفاضي
علي باب حارتنا
واقفه فتوات
هي الخصم
وهي القاضي
والجهل نايم
ع العتبات
رافع شعار
الخوف عنوان
قام شيخ حارتنا
في لوح كتاب
علم ولادنا
صبيان وبنات
الخوف يموت
من نورآية
لو كنت حافظ
حاجة م القرآن
