الكلمة نطقت قصيدة بالعامية المصرية

قصيدة
الكلمة نطقت
بالعامية المصرية


ارسمني بصدق مشاعرك
اجعلني قصيدة في شعرك
خليني حقيقة و أسطورة
ومعاني في أبياتك مذكورة
أوصف بى الوصف اللي يليق
واجعلني الشمعة اللي تضئ

وفى اللوحة المرسومة بأحاسيسك
النبض لقلبك وونيسك
ولقلمك شجنك وجليسك
أنا شجن الحرف وتكريسك
أنا متن مالي به كراريسك
أوصف بى الوصف اللي يليق
واجعلني الشمعة اللي تضئ

أنا سكة وصاحب وأليف
عدى بى من بحر الزيف
لخريفك أنا نسمة صيف
ولولعك بالعشق الطيف
أوصف بى الوصف اللي يليق
واجعلني الشمعة اللي تضئ

أنا ريحك غضبك وشرار
أنا زند بواسل أحرار
وان قولت ألقوله بإعصار
لأعادى الأمة الأشرار
أوصف بى الوصف اللي يليق
واجعلني الشمعة اللي تضئ

أنا بـذرة لورد خيالك
أنا فرسه بتجرى بخيالك
أنا ضل مرافقك وخيالك
أنا دايما حاضرة و وعيالك
أوصف بى الوصف اللي يليق
واجعلني الشمعة اللي تضئ

أنا أطيربك واشبع تحليق
وانزل بك من شبحة تعليق
ولعطشك أنا بلة ريق
عوامة بتنجي غريق
أوصف بى الوصف اللي يليق
واجعلني الشمعة اللي تضئ
*****
أنا لعشقك فى القصيدة مزار
ولمواجع غربتك بيت ودوار
اطلق حروفى عالهموم النار
ماتنتظرش وألعن لانتظار
مد أيدك ع الحقايق والنهار
ماترميش حمولك ع القلق
رمى الحمول ع اللى خلق
الصبح صابح ويطلع نهار
ماتجيبش سيرة للسكات
ليه ضمير الخلق مات
ليه حنين الحب ولا
من قلوب الخلق مات
خدنى لف ولف بيا
لحد ما ناسك يحسوا بيا
و يحسوا المسئولية
ال مس ؤوووو لية

الشاعر
محمدأسامةالبهائي
مصر

خدنى لف ولف بيا
لحد ما ناسك يحسوا بيا
و يحسوا المسئولية
ال مس ؤوووو لية


و هل ستجد الكلمة العامية فارساً أكثر أمانة منك أيها الشاعر البهي لحملها
فتحملك مسؤليتها .. تطوف بها
فتطرب الآذان بعذبها
و تقض مضاجع الأشرار و الخونة بجمرها
و تهيم بها و بنا في فضاء من خيال
لا يرسمه إلا شاعر مبدع
دمت و سلمت
و تعلم أنني أسعد دوما بالقراءة لك

أنا ريحك غضبك وشرار
أنا زند بواسل أحرار
وان قولت ألقوله بإعصار
لأعادى الأمة الأشرار

جميل استا> اسامة البهائى :good:

محبتى وتقديرى

الأخ العزيز د.جمال مرسى
الكلمة مالت ع البدن
لحاف م البرد بيدفى
ويصحى فى عز الليالى الشجن
توهب فى روحها وتوفى
قلبى العليل يميل عليها ويصفى
كل العلايل والأنات والتوهه والغربه
ويدوب فى غرامها الصافى ويصفى
لحد ماتنطق بالشهادة
والميلاد
ــــــــــ
شكرا جزيلا وسعيد بأعترافك لميثاق الشرف
وسامك سيظل شرفا على صدرى
ومحبتك بقلبى ساحافظ عليها
وربنا يديم المعروف
أخوك محمدأسامة

حمد الله على سلامتك
أخى عمرو
أفتقدت وجودك بالفترة السابقة
سعيد بعودتك وسعيد بمرورك الكريم
دمت بحفظ الله وفضله وكرمه
أخا عزيزا
وأشكرك

الكلمة كانت بالنسبة لي الوليفة والسكن
على جناحها كنت بلف المكان والزمن

لحد ما كل ريح يجي يطيرها زي عود قش
اتريها زي كل شيء وكل سلعة مليانة غش

بس كان شيء جوايا يقولي لسة الدنيا بخير
ولسة الكلمة الحلوة فيها وفاولي يعشقها امير

واديني النهارده هنا فرحان وفرحي مالهش حدود
وكأن كلمة *كن* بعد العدم ردتني ثاني للوجود
اخي الشاعر محمد اسامة اسعدتني قراءتك ايما سعادة

أخى الفاضل
الأستاذ
عبد العلى فيلالى بالحاج
المحترم


والله أنت راجل زى العسل
الله يصلح حالنا وحالك
ويبارك لك فى صحتك
وكلامك اللى زى الشهد على قلبى


خالص تحياتى
ودمت بكل الخير
أخوك
الشاعر
محمدأسامةالبهائي
مصر