أنا عَا نبعة الأشعارْ حارسْ
وخصمَك في مِيدان الزجَلْ حا رُسّ
سلامي برْسِلو لأرضْ حارسْ
نشامى ذلّلو كل الصعابْ
عرض للطباعة
أنا عَا نبعة الأشعارْ حارسْ
وخصمَك في مِيدان الزجَلْ حا رُسّ
سلامي برْسِلو لأرضْ حارسْ
نشامى ذلّلو كل الصعابْ
أنا حدّا كنِتْ صوتي بِرِعْدي
ترى خصمي ارتجَف مني بِرَعْدِة
مَزَجْتْ أوتار حنْجَرْتي بِرَعْدي
ودَمِي للحُرّْ في وطني خِضابْ
اجتماعي اكثير وِبْحِبِ المجالس
وَعِدْ جنب البسالة أضل جالس
عدوك نذل ، وصدقني مَ جالس
حتى لو غدا ملك العراب
يا بن رابا اللحن لابق على اوتار
يا صقر الزجل في الديرة عَلا وطار
بريشة من النسر اضرب على اوتار
واجمع بين حيدر وزرياب
تقابلنا وغدت كفك بكفي
مدح ومجاملة ظني بكفي
بحر العلم تع كفي وبكفي
يا بزراوي تـَنطرب هالصحاب
نضالو ليش صاير صوب دارا
عشق ليلو و "على الشمعات دارى "
يا وَيّـلو خصر جَنّْ ونهد دارا
بدف وكف وبكمشة عتاب
( المطرب نضال ابراهيم: صوب ديارا)
( داري على شمعتك : مثل عربي )
سألت شيوخ علم وما فتو لي ( من الفتوى )
اذا اشتد الحصار وما فتولي (ما فاتوا إليّ : لم يدخلوا عندي )
ملوك العرب بوجوه ٍ فـِتولي ( صرفوها وفتلوها عنا )
عـِدى يكونوا تراهم أم حباب ؟ !
ثقيل سحابنا و بالطيب عسعس ( دنا )
زجلنا البدر لو هالليل عسعس ( أظلم )
رشيق الريم حرف الزجل عسعس ( شم )
عطر عابق على اعناق الحباب
يا بزراوي فتحنا الزجل بالنقد
للمقايض عروبة بدين بالنقد
العريس إلْ / ما مَلى عينيه بالنقد
ضرير وتابع وعالة وعجاب
تراني كاشح وما بَسَم سني
كِبرني الاحتلال! صغير سني !!!
وعام وأربعين وفرض وسني
على المحسوم نرفعها الثياب !
شعرت بذل واخواني بحصى الحيّ
يا عزة نفس مجلودة بذنب حيّ
يا زند انشل ـ ميت ـ مع قلم حيّ !
مَلى كاسو وسقاني من سراب
أخو النعمان سعد وكنت سعدك
إلك يومين و جيت بيوم سعدك
على اليحموم ركبني تسعدك
بـِبـَيّي وجوه أيتامي الحباب
***
عبدتوا خيل اسبد ، شعر مشقر
تكيفتوا ، الصحاري براد مش قر
صرختوا جهاد وقلتوا اليوم مش كر
عشقتوا خيلنا تلاقي الحراب
اسقاط وتناص مأخوذ من قصة النعمان بن المنذر مع سعد القرقرة
وحكاية المثل العربي وا بأبي وجوه اليتامى
انظر هنا http://www.faisal4ever.ps/atemplate.php?id=849
سنام وقمح جدلتي وبـَديـتي
سلال التين تـَحْمِلْها بـِدَيّـتي
قطفنا ع الندى وبيدك بديتي
صبر مع تين وقطوف العنب
بلادي وديرتي قلبي سكنها
المياه الراكدة بحرك سكنها
يا جمرة ملحفي بدافي سكنها
نفضت لحافها وشِعْـلتْ لهب
يا إخواني العذر غبنا وعـُدنا ( رجعنا )
ما بعرف كيف هذا الثمر عَـدّ ْنا ( دربنا )
عصرنا الزيت تتوهج وعُـدنا ( وأصبحنا نستطيع )
نرى في الزيت صورة للحباب
على الله ما يكون وجودي نشاز
ما بين زوز إخوة إعزاز ( إثنين )
باسل و فخري كلّ منهم بالشعر فاز
وحروفهم توزن بميزان الذهب
أسجّل إعجابي الشديد بهذا المشهد الشعري الزجلي الرائع وأرجو أن يغفر لي الأخوين العزيزين باسل وفخري " تطفلي على الشعر "
فخري وباسلْ يا نجمين بالسّما
صوت العتابا منكم طار للسّما
فلسطين بلدنا أرضها والسّما
ولا بُدْ يوم يرحلوا الأغراب .
وللوطن ,ولكم تحياتي .
يا رايح غربا سلِّم على حجّه *
سلّم عالوطن عالحاج والحجّه
ما ظلْ يا أهِلْ عفراقكُمْ ِحجّه
يا غَلا الروح يا عزِّ الأحباب .
* قريتي حجه- نابلس في فلسطين
يا وطن النصر لابدّ قادم
والحق مايسقط بالتقادم
ترى يوم فيه العدوّ صار نادم
فلسطين نور عيني مابين الأهداب