سيد العشق

سيد وقسمت كلا منهم في غرفة يفصل بينهم حائط .
يدور حوار بينهم :
سيد/ جيتي ليه يا قسمت اذاي تخاطري بحياتك بعد دا كله ؟
قسمت/ مانت قولتها احنا ولاد عم ولا عيزني أشوفك غرقان وأسيبك
سيد / يا ريتك سبتيني انما مشكلتك انك مش عرفة تنسي
قسمت / ولا هنسي يا سيد
فلاش باك علي حياة سيد وقسمت
قسمت في استديو سيد
قسمت / انا مش فاهمة ليه عمي عامل العداوة دي مع بابا
سيد/ وليه تجيبي سيرة الموضوع ده
قسمت / يعني انت مش مستغرب ومطايق من اللي حاصل
سيد/ المشكلة عمي هو اللي عملها بس انا وانت تحدينا كل ده وبقينا مع بعض
قسمت / مش عيزين نتعلق بامل ممكن ميحصلش
سيد / مين عارف

قسمت ووالدتها يتحدثان
الام/ ايه حكايتك بقي يا ست قسمت
قسمت/ حكاية ايه يا ماما
الام/ بصي يا قسمت ان كان ابوكي مش واخد باله انك بتكلمي سيد فدا لاني بحاول اداري عليكي لكن ابوكي مش ممكن هيوافق انك ترتبطي بيه
قسمت/ وانتي كدة بتطمنيني
الام/ انا اللي عيزة اطمن عليكي
قسمت/ ماما سيد ابن عمي واكتر واحد هيخاف عليا ويحميني ده زمان مكانوش بيجوزوا البنت الا لابن عمها عشان يحميها وانتوا مش عيزني اجوز ابن عمي اللي شايل هم كل اللي بيحبهم وحميهم
الام/ مهي دي المشكلة سيد مش هيقدر يتحمل مسؤلية بيت اكتر من مسؤلية امه واخوه
قسمت/ وانا مش عوزة من سيد حاجة غير انه يحبني ويبقي سندي

ياتي والدها
الاب / وانا مش ممكن احط ايدي في ايده
قسمت /بابا
الاب/ انا هنزرك لاول واخر مرة لو عرفت ان فيه اي حاجة بينك وبين سيد ولابتقابليه انا هكون معاكي تصرف تاني فاهمة