مختارات - أحمد فؤاد نجم - البتاع
البتاع
ياللي فتحت البتاع
فتحت على مقفول
لأن أصل البتاع
واصل على موصول
فأى شيء في البتاع
الناس تشوف على طول
و الناس تموت فى البتاع
فيبقى مين مسؤول
**
و إزاى حتفتح بتاع
في وسط ناس بتقول
بأن هذا البتاع
جاب الخراب بالطول
لأن حتة بتاع
جاهل غبي مخبول
أمر بفتح البتاع
لإنه كان مسطول
**
و بعد فتح البتاع
جابوا الهوا المنقول
نكش عشوش البتاع
و هد كل أصول
و فات في غيط البتاع
قام سمم المحصول
و خلا لون البتاع
أصفر حزين مهزول
**
و ساد قانون البتاع
و لا علة و لا معلول
فالقاضي تبع البتاع
فالحق ع المقتول
و الجهل ساد في البتاع
و لا مقري
و لا منقول
و الخوف سرح في البتاع
خلا الديابة تصول
**
يبقى البتاع في البتاع
و الناس صايبها ذهول
و إن حد قال د البتاع
يقولوله مش معقول
و ناس تنام ع البتاع
و ناس تنام كشكول
وناس تعيش بالبتاع
و ناس تموت بالفول
**
آدي اللي جابه البتاع
جاب الخراب مشمول
لأن حتة بتاع
مخلب لراس الغول
باع البتاع بالبتاع
و عشان يعيش على طول
عين حرس بالبتاع
و برضه مات مقتول .
منقول
25 / 04 / 1984
رد: مختارات - أحمد فؤاد نجم - البتاع
:laugh:
مشاركة تحفة اول مرة اشوفها حقيقة ً
وفظيعة جدا ... اضحك الله سنك اخى ادوارد
اقتباس:
و ساد قانون البتاع
و لا علة و لا معلول
فالقاضي تبع البتاع
فالحق ع المقتول
و الجهل ساد في البتاع
و لا مقري
و لا منقول
و الخوف سرح في البتاع
خلا الديابة تصول
هو فيه حد جايبنا ورا الا البتاع !!
تحيتى :good:
رد: مختارات - أحمد فؤاد نجم - البتاع
أصل كلمة "البتاع" واستخداماتها اليومية :).. تعرفونه من خلال هذا البتاع (أ..أأ..أقصد الرابط)!!
خالص تحيتي وتقديري للجميع،،،
مصطفى
تفضلــــــــــــــــــــــــــــــــــــــــــــــ ـــــــــــــــــــــــوا
رد: مختارات - أحمد فؤاد نجم - البتاع
بصراحة أنا سمعت قصيدة البتاع لأحمد فؤاد نجم على اليوتيوب.
الأداء غير شكل. ولا تتمالك نفسك عن القهقهة وأنت تسمعه.
تحياتي.