ميت الف اه
اول مره احس ان الحياه مره
وايدي مقيده مش حره
ودمع عيني في عيني جوه
وصوت عالي
يبكي علي حالي
والرد هوه هوه
اه
وميت الف اه
وصدي صوت بيرد وراه
وقلب تاه
في حلم عشته من بدايته لمنتهاه
حب ضاع وضعت معاه
لا انا قادر انساه
ولا انسي ايامي وياه
وحيره
وعيون حزينه
علي الدموع
تنام وتصحي كل ليله
وبكره زي بعده زي ايام كتيره
مش بتفوت
وكل حاجه فينا بتموت
نظرات حيرانه
صمت وسكوت
و اه
بقلمي "" حسن الذاكي""
