يمته الفرح يدك بابي
تمر اسنين التجافي
على كلبي علكم
أكتب شعِر وقوافي
من الظيم والهم
ياسنين العمر
كظيتن بالمر والغم
يمته الفرح يدك بابي عليّه
2
أحبابي شما جفو همّه أحباب
والخِل يبقى خِل مهما طال الغياب
ياحلو توهّم مرّة ودك الباب
بلكي بشوفك ترد الروح ليّه
3
بغيابك الروح تربي تدور عليك
شوكي الك صار فوكي معليك
أريد أحجي ويّاك مكدر أحاجيك
يمته الوكت يندار وتصير أليّة
4
عيوني الك وكل عيون اليحبون
أعضاي ضاعت مني وتعبت المتون
صرت سالفه بحلك كل اليحجون
يمته أسد بابي وبابك عليّه
