نفس المكان
نفس المكان
هوه المكان، همه البشر
نفس الطريق
آخر الطريق، فيه الشجر
رغم السنين
فارد غصونه السهرانين
باقي فـ. سمار جسمه القديم
ريحة النسيم
ويميل فـ. تسبيحه القمر
فاكر الرحيل
كان الرحيل أصعب خبر
كان الفراق حكم القدر
لو الحنين ضاع وانكسر
يبقى المكان
شاهد لأجمل حب كان
قصه، ويحكيها الأثر
***
نفس المكان
هوه المكان همه البشر
حافظ المكان
نقشة إيدينا عالحجر
شدو البلابل عالغدير
فرحه بأحضان الوتر
حافظ المكان
شمس الشتا وقت الأصيل
جري القمر بين النخيل
دمعة سفر ساعة الرحيل
فاكر الرحيل
كان الرحيل أصعب خبر
كان الفراق حكم القدر
لو الحنين ضاع وانكسر
يبقى المكان
شاهد لأجمل حب كان
قصه ويحكيها الأثر
***
جيت يا مكان
أوفي معاه ذكرى السهر
مش جاي اقول
مين اللي خان فينا وهجر
جيت للي كان بنا هنا
أحفر على صمت الصخور
واحلف لطيفه اللي حضر
إن ضمير قلبي غفر
مهما الغرام يصبح سراب
أو ندفن الشوق فـ. التراب
قلبي غفر، قلبي غفر
فاكر الرحيل
كان الرحيل أصعب خبر
كان الفراق حكم القدر
لو الحنين ضاع وانكسر
يبقى المكان
شاهد لأجمل حب كان
قصه ويحكيها الأثر
محمد جنيدي
