إيزي إيزي إيزي
إيزي إيزي إيزي
داهية تاخد الإنجليزي
أقول الولية مراتي خير
تقولي جود مورننج سير
طب وأنا مالي بالإنجليزي
الواد محروس ابني كمان
أقول له يا واد هات الشكمان
يقولي سوري داد
اهاف نو تايم فور ذات
ولا جاري اللي من زمان
أبو الواد صالح وحاتم وعثمان
أقوله تعالي نقعد علي السطح شوية
يقولي لتس هاف فن في التلفجيان
ولا الشحات الصدمان العدمان
اللي بياخد الحسنة كمان
يقول لي نو كوينز مان
أنا خلاص انشليت
هو الغزو الإنجليزي جه وأنا نحسان
ولا ايه يا أولاد
ده حتي خضرة اللي بتبيع المش
أقولها يا ست خضرة هاتي نص
ترد تقولي: متخليهم ون ولا تو يا أبو الولد
والله ده مش برده جنان
والمصيبة والأمر
إن أمام الجامع يوم الجمعة
قال كمان
تعالوا درس القرآن تومورو
والله كنت عاوز اديله لكمة علي الوش
بس معلش
أنا هغيظه
وهروح الدرس ولما يقولي سمع السورة
هقوله سورة الكات ولا سورة الكو ولا سورة النو
مخلاص بقت حاجة سهلة
اننا نغلط في لغة القران
من فيكم هيحل الأزمة
يا أولاد الجزمة
لو محدش حل مشكلتي
ويقولي سووري أولد مان
واه أنا اتخبط في راسي كمان
ملحوظة مهمة: محدش يزعل من مدرسين الإنجليزي لأني واحد منهم بس علي لغتي غيران
وبالمناسبة نشكر الأستاذ عبد الشافي لأنه مرة زمان أهدانا كَنز
لأنه في تلميذ قال كِنز
أستاذنا عبد الشافي قال يا ولد نتحري الدقة في ألفاظنا العربية علشان لغة القران
في قلوبنا كلنا لك كَنز وحتي اسألهم كمان
صحيح يا أولاد
بصراحة مش هيقولو صحيح
وأنا عارف هيقولو ذاتس رايت
وهي دي الأزمة يا جدعان
بقلم :مني حمدي
