يا مصر لفين وخدانا

يا مصر لفين وخدانا
لسكه مفهاش رجوع
ولا انتي موعدانا
علي الحزن والدموع
ديمن حزانا
والفرح ممنوع
ومين اللي بيتحدانا
وايه نهاية الموضوع
فقر وجهل وجوع
عيشه عذاب
ورضينا
كمان ارهاب
فارد جناحه علينا
قتل وتشريد
ده مقتول وده شهيد
مظاهرات معارضه وتأيد
ودم سايل
وهم طايل
القريب والبعيد
وايه ذنب الغلبان يقاسي
لا عايز منصب ولا كراسي
عايز بس يعيش
كل همه رغيف العيش
والحال هو الحال
وقفين في نفس المكان
ما خلاص
ضاع الامان
في بلد الامان
من زمان
وباين عليكي مكتوب
تعيشي حياتك
في حروب
يا مصر لفين وخدانا
بقلمي "" حسن الذاكــــــــــــــــــي""

زجل رائع ..حمَل حرقة الاسئلة و صدَق في اللهجة.
تحيتي و تقديري مبدعنا الأستاذ "حسن الذاكي".

الاستاذ\ عبد الله كل الشكر والتقدير لحضرتك مرورك الكريم وكليماتك الرائعه تحياتي واحترامي دمت بالخير والسعاده الدائمه