صديقي الذي لايعرف الخجل / ح تجننونا

صديقي الذي لايعرف الخجل جائني بعد طول غياب منكس الرأس يجر قدميه شارد وفي عينيه أطلالة من الحزن . رحبت به مندهشا مما أصابه - مالك ؟ مافيش كل ده ومافيش امال لو كان فيه طلقت أم الاولاد يخرب بيتك - ليه ؟ الشيطان لعب برأسي - سمعت فتوي الشيخ مظهر اللي بيقول فيها لو مراتك أخوانية طلقها - لآن دول جماعة أرهابية - ربك والحق خفت أرجع الاقيها لافة وسطها بحزام ناسف وتفجر البيت أو تفجر مديرية الامن ليه لا ؟ - وفي الحالتين ح أروح في داهية اما بموتة أو اعتقال وتعذيب وسجن - قلت لنفسي وعلي أيه - الشيخ بيتكلم صح - رحت مطلقها . الله يخيبك أنت عبيط يابني ؟ وايه علاقة مراتك بكلام الشيخ مظهر - وهي مراتك مالها بالاخوان ؟ ياسلام انت ح تعرف مراتي أكثر مني - أخوان بنت أخوان - لما تقوم تلاقيها بتصلي في نص الليل - ومرة ماسكة المصحف وهاتك يابكي - ومن يوم مذبحة رابعة حالها اتغير وكل ماتشوف مرسي في القفص الزجاجي تدعي علي اللي كان السبب - ح أقولك ايه- ده انا كاتم وساكت . طب وبعدين مش عملت اللي يريحك - ضارب بوز ومتنشن ليه المفروض أنك مبسوط دلوقتي . لا ماهو في موضوع حصل ومش عارف أبتديه منين - ماهو أصل أنا أتجوزت بالسرعة دي ومن غير ماتقوللي ؟ تتجوز وتطلق وأنا ماعرفش غير دلوقتي أديك عرفت - المهم أني ح أتجنن ومش عارف أفضفض لمين غيرك قول هو انت خجلان ؟ أنا عمري ماشفتك وش كسوف - فيه أيه قلقتني . العروسة الجديدة - أكبر مقلب شربته في حياتي ليه مالها؟ ربك والحق كنت شفتها وهي بترقص قدام لجنة الاستفتاء وفرحانة قوي ومعاها مجموعة من الستات بيرقصوا ويغنوا أغاني وطنية - ربك والحق دخلت دماغي ولقتني باغني معاهم وحسيت بمعني الوطنية وبهرتني قوي صورة السيسي وهي معلقاها في رقبة أمها - نسيت أقولك أن أمها هي كمان كانت بترقص وبتغني - قلت لنفسي أه ... لو كانت دي مراتي - ده أنا كنت أمشي وأنا مدلع وأضرب الدنيا صرمة وأشوف لي يومين بدل الهم اللي أنا فيه , ها وبعدين ضربت الدنيا صرمة ؟ هأ هأ اااااااه ده أنا اللي انضربت بالصرمة - طلع الرقص اللي تصورت انه نابع من فرط الوطنيه - مهنة مش هواية - انا اتجوزت رقاصة - ولما قلتلها ان الرقص حرام والعري قدام الاجانب حرمه الاسلام - قالت لي أنا بتعري قدام ولاد بلدي وبس وماليش دعوة بالاجانب لاني وطنية وبحب مصر ثم انا اسلامي وسطي وهزت وسطها وسابتني - عارف فيلم خللي بالك من زوزو ؟ - أهي دي كانت العائلة الكريمة - قمت مطلقها - وهما دلوقتي رافعين علي قضية وحالفين ليخربوا بيتي ويشردوني وأدعت العروسة علي أني أخواني . وبعدين ناوي تعمل ايه دلوقتي ؟ ماهو علشان كده انا جيت لك دلوقتي تكلم ام الاولاد تسامحني وتتفهم موقفي . طيب والشيخ مظهر ؟ أنا بس عاوز أسأله اللي مراته رقاصة يعمل ايه واذا ماكان يعتليها الرجال في السينما وماشابهه يطلقها برضه ؟ واذا ماكان الزوج قاتلا أو مرتشيا او لصا سارق قوت شعبه ماذا تفعل الزوجة ؟ واللي أبوه بيعذب اولاد الناس - أو بيقتلهم دون ذنب جنوه - أو بيحكم عليهم ظلما أرضاء للسلطة - ماذا يفعل - واللي متجوزه رجل دين ضل وأتبع هواه والدنيا وأنزل من علي رأسه عمامته ولباسه الازهري تخلعه كذلك ؟ صلاح حسين الاسكندرية في 5/2/2014