غنّى البغبغّان ، وقال
على ورق .. الحنّه
وعاد ، وردّد بالموّال
كنّا بنتقاتل ع الجنّه
ليه يا زمان . ما بقتش
زي زمان !!!!؟
كان الفرح معانا . بيتهنّه

غنّى البغبغّان ، و قال
على ورق .. الحنّه

غنّى البغبغّان في المرواح
و ف الرّجوع
و بصوت مخنوق . مفجوع
الجرح يا مصر . غميق
و الوجّع فيكِ .. موجوع
و العشق فيك هوى ..
الجدعان ..
و الكدب ماليك ، وله
شنّه ، و رنّه !!!

غنى البغبغّان ، وقال
على ورق الحنّه

عيش . حريه . يا بغبغّان
الثوره !!!!
عداله اجتماعيه . العيشه
بقت .. مُرّه !!
كرامه انسانيه . خلاص
و كسرنّا الجرّه !!
و يسقط أيّ نظام
مش ها ياخدنا .. لبكرّه
الحلم مش حرام ..
و الحريه بدمانا . بتتغنى

غنى البغبغّان ، وقال
على ورق الحنّه ...

غنى البغبغّان ، وقال ..
ايه يا مصر . لسّه
ما شفتّهووش !!!
يا أصيله . يا بنت الخال
مهرّك لسّه ..
ما جمعتّهووش
فداكِ أنا ... و العيال
خيرك علينا ...
ما نكفّهووش
اتعجّبت فيكِ الأحوال ..
و شعبك لسّه ...
ما فهمتّهووش
أرضك بتطرّح .. أبطال
تقول للتاريخ . مكانك
إستنّى ..

لا عاش و لا كان اللي ..
عليها إتجنّه !!!

غنى البغبغّان ، وقال
على ورق .. الحنّه