وانا سابح
مع الطير في ميادينك
وشارد في تفاصيلك
بغنيني ف مواويلك
وتشرب روحي من نيلك
أمل .. وآلام
واقيد من شوقي لرحابك
قناديلك
وواقف في الميدان حارس
بجفف دمع خلاني ف .......
مناديلك
خديني
واحضني حلمي اللي عاش أزمان
يناجيكي
خديني واطرحي ضلك
على كل اللي ف عيون القلوب
يا امايا شايلينك
على ترابك
كتبت بدمي يا غالية
حروف اسمي
وفارد خطوتي .. واهتف
خلاص الصبح بينادي
على الثوار
ماهوش كالعادة متغمي
ولما عيونك السمرا
تلاقي في الميدان عيني
يزول همي
ولو يوم راح يسيل دمي
فدا ترابك
فدي أسمى أمانيّ
وهفضل .. مهما طال ليلك .. لنور الفجر مستني ..
وهفضل .. مهما طال ليلك .. لنور الفجر مستني ..