ثاسآكولت ن ساغيذ ثامآقرانت ئسآمان ئصآيّاحآن ن طّآرحآث ، ثحآرقيت ثفوث ن ونآبذو و ينآفطيت فوس ن تمآنزوث ، أجآنّا ئعآدجآر س و سآقنا و يبآجّاغلالن ن تآفسسوث فتوتّين زآدّو ن تفآنزا ن تآمعاز ن نانّا فاطما . ثاقآربيث نآس ثآكمومّش ذآق بوط ن لكاف واذرار ن ثآلخآمث ئبآداسآد ف يخف ئسعآرقيت ذي ثيلي ثازيرارث . ئجضيضآن جار ن طوالع نآس ساوان لآعشوش نسآن ، ما يآلّا ثماسآخث نآس ذاسآرغو طوبنيث ئقآزديرن ؤ خآلنيث ئنآسمارن .
ثاعآشويث تّاعآشويث ، نانّا فاطما هات مانيس ئدروّآح سآق وآذرار ، ثاحآطّيبث ن وسآرغو زآنق ن تآغمار ...