رباعيات " وقت الفرح و وقت الغضب" دوت كُوم
سمير الأمير

1
ﻭﻗﺖ ﺍﻟﻔﺮﺡ ﺳﻘﻴﻨﺎﻙ ﺷﺮﺍﺏ ﺍﻟﻮﻫﻢ ﺑﺈﺩﻳﻨا
ﻭ ﺳﻜﺮﺕ ﺷﻔﺖ ﺍﻟﻤﺮﻛﺒﻪ ﺳﻔﻴﻨﻪ
ﻭﻗﺖ ﺍﻟﻐﻀﺐ ﻛﺸﻔﻨﺎ ﻋّﻨﻚ ﻏﻄﺎﻙ
ﻏﺮﻗﺎﻥ ﻳﺎﺣﻠﻮ ﺑﺮﺿﺎﻙ ، بايع ﻭﺍﺣﻨﺎ ﺍﺷﺘﺮﻳﻨﺎ
2
ﻭﻗﺖ ﺍﻟﻔﺮﺡ ﻧﺠﺮﻳﻠﻪ، ﻣﻦ ﻏﻴﺮ ﻣﺎ ﻧﺴﺄﻝ ﻟﻴﻪ
ﻭﺗﻬﻮﻥ ﻋﻠﻴﻨﺎ ﺍﻟﺮﻭﺡ، ﻭﻧﻤﻮﺕ ﻋﺸﺎﻥ ﻧﻔﺪﻳﻪ
ﻭﻗﺖ ﺍﻟﻐﻀﺐ ﻋﻤﺮﻩ ﻏﺒﻲ ﻭﻋﺒﻴﻂ
ﻭﻻﺑﺪ ﻡ ﺍﻟﺘﺰﺑﻴﻂ ﻭﺍﻟﺸﺪﺓ ﻑ ﺍﻟﺘﻮﺟﻴﻪ
3
ﻭﻗﺖ ﺍﻟﻔﺮﺡ ﺍﻧﺖ ﻑ ﻋﻨﻴﻨﺎ ﺍﻟﻨﻮﺭ
ﻭﺭﻏﻢ ﻋﻤﺮﻙ ﻭﺭﺍﻙ ﻟﺴﻪ ﺷﻘﻲ ﻭ ﺃﻣﻮﺭ
ﻭﻗﺖ ﺍﻟﻐﻀﺐ ﻳﺎﺑﺎﻱ ﻋﻠﻲ ﺩﻣﻚ
ﻳﺎ ﺗﺤﺘﺮﻡ ﺳﻨﻚ ﻳﺎ ﻧﺬﻧﺒﻚ ﻑ طابور
4
وقت الفرح مُخك ذكي وبنموت فيك
ونخاف عليك م الهوا ومن الحسد نرقيك
وقت الغضب مُخك غبي ومعطوب
راح نرجمك بالطوب ..طهقنا من بلاويك
5
وقت الفرح فيس بوك العاطفي دوت كوم
والطلة علي صفحتك تشبه حنان الام
وقت الغضب الت شفت دلييت
بلوك يابن "التيت" ده صفحتك بتغُم
6
وقت الفرح إحنا اشتراكيين
البسمة لا زقه ف وشنا وحلوين
وقت الغضب يبان الطمع مرعب
ومهما تحسب لا ضمير ولا دين
7
ﻭﻗﺖ ﺍﻟﻔﺮﺡ ﻧﻨﺎﺩﻱ.. "إيد ﻭﺍﺣﺪﺓ"
ﺍﻟﻜﻞ ﺧﻄﻮﺓ ﻟﻮﺭﺍ ..ﻛﺮﺍﻣﺔ ﻟﻠﻮﺣﺪﺓ
ﻭﻗﺖ ﺍﻟﻐﻀﺐ ..ﻧﺸﻮﻑ ﺑﺘﺪﻓﻊ ﻛﺎﻡ؟
وف ﻛﻞ ﺣﺎﻝ ﺗﺘﻼﻡ ﻭﻧﺪﻕ ﻉ ﺍﻟﻮﺍﺣﺪﺓ
8
ﻭﻗﺖ ﺍﻟﻔﺮﺡ ﻳﺎﻣﺎ ﺍﻟﻐﺮﺍﺏ ﺑﻴﺠﻴﺐ
ﻭﺧﻄﻮﺗﻚ ﻏﺎﻟﻴﺔ ﻭﺃﻏﻠﻲ ﺣﺒﻴﺐ
ﻭﻗﺖ ﺍﻟﻐﻀﺐ ﻓﺘﺸﻨﺎ ﻑ ﻛﻤﺎﻣﻚ
ﻣﻠﻌﻮﻧﻪ ﺃﻳﺎﻣﻚ.. ﺷﻘﺎ ﻭﺗﻌﺬﻳﺐ
9
ﻭﻗﺖ ﺍﻟﻔﺮﺡ ﺍﻧﺖ ﻣﻼﻙ ﻡ ﺍﻟﺴﻤﺎ
ﺻﻮﺗﻚ ﻛﻠﺤﻦ ﻛﻤﺎﻥ ﻭﻏﻨﻮﺗﻚ ﻣﻠﻬﻤﺔ
ﻭﻗﺖ ﺍﻟﻐﻀﺐ ﺍﻧﺖ ﺷﻴﻄﺎﻥ ﻣﻦ ﻧﺎﺭ
ﻟﻮ ﺑﺼﻠﻚ ﻃﻴﺎﺭ ﺣﺘﻤﺎ ﻳﺼﻴﺒﻪ ﺍﻟﻌﻤﺎ
10
ﻭﻗﺖ ﺍﻟﻔﺮﺡ إحنا ﻣﺴﻴﺤﻴﻴﻦ
ﺑﻨﺤﺐ ﺣﺘﻲ ﺍﻟﻌﺪﻭ ﻭﻧﺴﺎﻣﺢ ﺍﻟﺨﺎﻃﻴﺒﻦ
ﻭﻗﺖ ﺍﻟﻐﻀﺐ ﺗﻠﻘﺎﻧﺎ ﺳﻦ ﺑﺴﻦ
ﻳﻠﺒﺴﻨﺎ ﺍﻟﻌﻦ ﺟﻦ ﻭﻧﺴﺒﻠﻚ ﺑﺎﻟﺪﻳﻦ
11
ﻭﻗﺖ ﺍﻟﻔﺮﺡ ﻛﻔﺎﻳﺎ ﺍﻧﻚ ﺑﻴﻨﺎ
ﻳﺎﺯﻳﻨﺔ ﺍﻟﻘﻌﺪﺍﺕ حبك ﻣﺠﻨﻨﺎ
ﻭﻗﺖ ﺍﻟﻐﻀﺐ ﻳﺎﻋﻢ ﺍﻣﺸﻲ ﺑﻌﻴﺪ
ﻗﺎﻋﺪ ﺗﻌﻴﺪ ﻭﺗﺰﻳﺪ ﻟﻤﺎ ﻃﻠﻊ ﺩﻳﻨﺎ
12
ﻭﻗﺖ ﺍﻟﻔﺮﺡ ﺑﻴﺒﻠﻌﻮﻙ ﻛُﻠّﻚ
ﺍﻟﻜﻞ ﻳﺴﻤﻌﻠﻚ ﻭﺍﻟﻜﻞ ﺑﻴﻘﻮﻟﻚ
ﻭﻗﺖ ﺍﻟﻐﻀﺐ ﺍﻟﺤﺎﻝ ﺑﻴﺘﻐّﻴﺮ
ﺑﺎﻟﻤﺎﺿﻲ ﺗﺘﻌّﻴﺮ ﻭﻳﺒﻠّﻌﻮﻙ ﺫﻟﻚ
13
ﻭﻗﺖ ﺍﻟﻔﺮﺡ ﻳﺮﺿﻮﻙ ﻭﺍﻟﺤﺐ ﻳﺘﻨﺘﻮﺭ
ﻭﻳﻐﺮﻓﻮﻟﻚ ﻛﻮﻡ ﻭﺍﻟﺒﻌﺰﻗﻪ ﺗﻜﺘر
ﻭﻗﺖ ﺍﻟﻐﻀﺐ ﻳﻬﻴﻨﻮﻙ ﺑﻼ ﻗﺎﻓﻴﻪ
ﻭﺍﻟﻜﻠﻤﺔ ﺑﺎﻟﻌﺎﻓﻴﻪ ﻭﺍﻟﻘُﺰﻋﻪ ﻳﺘﻌﻨﺘﺮ
14
ﻭﻗﺖ ﺍﻟﻔﺮﺡ ﻳﺎ ﻣﻜﺘﺮ ﺍﻷﺻﺤﺎﺏ
ﻣﻦ ﻗﺒﻞ ﺧﺒﻂ إﻳﺪﻳﻚ ﺗﺘﻔﺘﺢ ﺍﻷﺑﻮﺍﺏ
ﻭﻗﺖ ﺍﻟﻐﻀﺐ ﻻ ﺑﺎﺏ ﻭﻻ ﺷﺒﺎﻙ
ﻭﺷﻚ ﻣﺤﻞ ﻗﻔﺎﻙ ﻭﻑ ﺿﻬﺮﻙ ﺍﻷﻧﻴﺎﺏ
15
ﻭﻗﺖ ﺍﻟﻔﺮﺡ ..ﻛﻞ ﺍﻟﻨﻔﻮﺱ ﺑﺘﺒﻮﺱ
ﻣﺎﻳﺒﺎﻧﺶ ﻣﻴﻦ ﺻﺎﻓﻲ ﻭﻣﻴﻦ ﻣﻠﺒﻮﺱ
ﻭﻗﺖ ﺍﻟﻐﻀﺐ ..ﻫﻴﺼﺔ ﺍﻟﻔﺮﺡ تنفض
ﻭﻧﺒﺘﺪﻱ ﻑ ﺍﻟﻌﺾ.. ﻭﺍﻟﻨﺎﺻﺢ ﺍﻟﻠﻲ ﻳﺪﻭﺱ
16
وقت الفرح شلناك علي كف نِعمه وراحه
وفرشنا ليك عندنا القاعدة مرتاحه
وقت الغضب نزفت اديك م الدق
مش فاضل الا الزق.. زهقتنا بصراحه
17
ﻭﻗﺖ ﺍﻟﻔﺮﺡ ﻭﻗﺖ ﺍﻟﻐﻀﺐ ﻃﺰ ﻑ ﺃﻫﺎﻟﻴﻜﻮ
ﻫﻮ ﺍﻹﻟﻪ ﻛﺎﻥ ﺧﺎﻟﻘﻨﻲ ﻋﺸﺎﻥ ﺍﺭﺍﺿﻴﻜﻮ ؟
ﺃﻧﺎ ﺃﻭﻟﻲ ﺑﻴﺎ ﻡ ﺍﻟﻬﺒﻞ ﻳﺎ ﺷﻠﺔ ﺗﺮﻟﻠﻲ
ﻟﻮ ﺇﻳﻪ ﺣﺼﻠﻲ ..ﻻ ﻳﻤﻜﻦ ﺍﺑﻘﻲ زييكو!!!