آه ياعرب


آه يا عرب زي العدم
ما بيقدروا غير عالكلام
كان العرب
حزمة حطب
صابها العطب
فاتكسرت قوام قوام

سلام يا عربي
سلام يا صاحبي
من امتي قوللي؟
من امتي سموا الخوف سلام؟
امتي الغنا رجع وطن,
ولا الهتاف حقق مرام؟
آه يا عرب زي العدم
ما بيقدروا غير عالكلام

احساس الظلم اهون بكتير
مالاحساس بالخيانه
واحنا خونا القدس لما
بقينا شلة شعوب جبانه
ما تخافوش
دوركوا جاي
ما انتوا خدتو عالاهانه
الكل بيخاف من خياله
وعاملين دعاة سلام
آآآآه يا عرب زي العدم
ما بيقدروا غير عالكلام

آآه يا عرب زي العدم
ما بين ضعيف
وبين جبان
كل يوم بيعدي علينا
بنزيد حالنا عذاب وهوان
جالنا يوم رخصنا روحنا
اي عربي
ما بقاش يساوي
كلب واحد من كلاب الامريكان

آآه يا عرب زي العدم
آآه يا عرب....
ضاعوا من زمااان


شيماء النادي