صنع العدو : لطفي زغلول

[لطفي زغلول]

[overline]


صـُـنـع العـدو

(حملة مقاطعة البضائع الإسرائيلية والأميركية)
قصيدة باللغة المحكية الفلسطينية

كلمات

لطفي زغلول

صنع العدو محرم على الأحرار – عمرو ما كان لأي حر خيار
وتجارتو شرعا من الاوزار - وشرايتو عيب وخيانة وعار
صنع العدو ثمنو رصاص – عل القلب ما منو خلاص .. بأيدين عدو غدار
حصد الحصاد .. وياما صاد .. والاقتصاد – نازف رصيده من حصار لحصار
وتكالبوا المستوطنين .. صاروا على مر السنين بقلب الوطن مسمار
صنع العدو .. حكمو عدو .. لابد عنا نبعدو – بعد اللي كان وصار
لابد تنضف هل بلد .. من اليوم الى ولد الولد .. من رجس الاستعمار

وحنا شعب مر وصعب ما يوم تعب – سيفه على مر الزمان بتار
صامد مقيم بتحدى نيران الجحيم – مالو رحيم غير القوي الجبار
عشق العمل .. زرع وصنع عمرو ما مل .. ياما احتمل الم وعذاب ومرار
بحرب وسلم .. عمرو ما ساوم عل علم – مش بس برمي عل العدو حجار
رفض الركوع .. رفض الخضوع لو مات جوع – بين الضلوع ما بتنطفيلو نار
جرحه مطر .. بتحدى طوفان الخطر – حالف لوحده يكمل المشوار
من جيل لجيل .. القدس حد المستحيل – والعودة ما عنها بديل نختار
قصد الكلام .. ما في سلام .. وهم ومحال – حتى صروح الاحتلال تنهار
لو صال وجال – مش راح ينال منا منال – لو ليله طال .. طالع علينا نهار

صنع العدو مش بس شعار بنرفعه او نسمعه راح نمنعه بكل دار
وصنع الوطن ببني الوطن .. بعلي الوطن .. بغني الوطن .. بحميه من الاخطار
صنع الوطن واجب على الاحرار .. صنع الوطن واجب على الاحرار[/overline]

[ينابيع السبيعي]

كلمات تحمل الصدق بين حروفها
دمت عزيزاً والله ينصرنا على القوم الظالمين
ويحفظ الأمة الإسلامية جمعاء
أختك
ينابيع السبيعي