بيسألوني يا حبيبتي عن مكاني
وأنا
لو كنت داري .. أو في داري
أو حتى عارف فين دواري
ما كنت أداري

بيسألوني كأنهم عايزين
يطردوني
يسكنوني في هجرهم
و يكبلوني
وأنا يا حبيبتي
من يوم ما أتولدت
وأنتٍ
مسكناني عيونك
وسارح على رمش الهوى
بداري عن العيون لونك
في كل نقطة دم بتجري في شرياني
تحمر خدودي شموخ
أدوخ
أرجع .. أبوس نيلك
وبيسألوني يا حبيبتي..
ليه كل ما احس أني بموت
ليه بجيلك
أقولك سر .. وعارفك بير
غويط
قد ما كتب التاريخ
حواديت
ليه أنا جيت
اشتاقت عظمتي ترجع
تبقى تراب
اشتاقت دمعتي تروي
الأرض البور
مشتاق كل ما بيدي
يكونلك سور
تدور كل أشواقي
تنبت في السكون
صرخه
تقول لأه
دي مش بس دي لسه
باقيه في قلبنا دقه
هتبقى اللون
هتبقى هي ..
وأنا وأنت يا سائلني
رايحين ورا الل سبقنا
وهي
هتنبت الأجيال ..
أمانه عليكي يا حبيبتي
تبقي
تفتكريني .. ما تداري
وإن سألوكي عن أسمي
قوليلهم دا إبني
اللي بنا داري
hussein@misralhura.tk