[size=6]
فكرة ملف ـ شعر بطعم الحنظل ـ قصائد معارضة ومتمردة منتشرة في كل بلد ونتمي من الشعراء أن يقدموا ويضيفوا
قصائد لشعراء من بلدهم يتبعون نفس مدرسة المعارضة والتمرد في الشعر ، سواء كان قصحي او لهجي { عامي ـ شعبي ـ نبطي } ولا يخشي الشعراء من أي عاقبة
وأبدأ بالشاعر احمد فؤاد نجم الشهير بالفاجومي من مصر حبن عبر عن حالة الإنهزام والنكبة بالسخرية من أسباب الهزيمة والنكبة كما عبر عنه الشعب المصري آن ذاك بالنكات اللاذعة ، إلي عصر الإنفتاح فكتب قصائدة المعبرة عن هذه الحقبة التاريحية /size]ا
النكسة
لله الحمد خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
ح تقول لى سينا وما سينا شي
ما تدوشناشي
ما ستنيت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار
قصيدة البتاع
احمد فؤاد نجم
ياللي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
[/font][/I][/B]
[/align]
ملف ـ شعر بطعم الحنظل ـ قصائد معارضةو متمردة ـ أضف قصيدة لشاعر من بلدك
رد مع اقتباس
المفضلات