وكأنهما يدعوان شباب مصر إلي تحقيق نهضتها أقيما في هذا المكان "المختار" بعناية مرّتين0أولاهما مصرية والثانية عبرانّية0ولم لا ونحن أبناء عمومة!!0هم قد عبروا النهر ليستقروا قليلا ويخونوا كثيرا أصحاب أرض الثوم والفوم والعدس والقِثّاء0بعد أن دخلوا مصر آمنين0ونحن عبرنا القناة لنطردهم كما طردناهم أول مرة 0
اختارت مصر أن يكون مكان تمثال نهضتها هنا ليستقبل العابرين من شبابها لتلقّى العلم في جامعتها العتيدة جامعة القاهرة0يرحب بهم في كل يوم0تذكّرهم فلاحته بمصر الأم وخيرها ونضرتها وشبابها وفتوتها0ويذكرهم أبو هوله بما مرّ بمصر طوال تاريخها من أهوال للحصول على استقلالها من طوفان المستعمرين الذين حكموها وتحكّموا فيها على مدى قرون0ويذكرهم النيل العظيم ـ حابى ـ الذي حبا الله به أرض الكنانة بعظمة بلدهم وتاريخها التليد 0
واختاروا هم مبنى يقع في مواجهة التمثال ليقولوا لنا : ها قد عدنا وفى أعلى عليين0حتى يمر أبناء الشعب المصري المقهور تحت عَلمهم يومياً فيذوق المخلصون منهم طعم "المر" وهم يرونه يرفرف في مكان أعلى من أعلام كل الدول التي لها سفارات فى القاهرة0فسفارتهم تطل علي النيل وعلى جامعة القاهرة0لكنها أيضا تطل على حديقة الحيوان !!0
أثناء ذهابه إلى جامعة القاهرة لاحظ مخلص أن تمثال نهضة مصر قد أحيط بسياج خشبىّ0لقد تقرر ترميمه بسبب وجود طرد للمونة الرابطة وبعض الفروق بين أجزائه وكذلك بعض القطع المتساقطة منه0ذلك ما أعلنه المسؤلون0لذلك تقرر إجراء عملية ترميم عاجلة تستغرق ستة شهور 0
فى ليلة من ليالى شتاء القاهرة ذهب مخلص إلى مكان التمثال0السلام عليكم0قال محييا
ـ هوه فين السلام؟! قالها أبو هول التمثال وهو ينظر بأسى إلى علم إسرائيل المتدلي خارج مبنى سفارتها وكأنه "شُرّابة خُرج"0فى حين ارتسمت على وجه فلاحته دلائل "كسوف" فلاحة مصرية في عهد التطبيع
ـ خير إن شاء الله0سلامتك0والله زعلنا كلنا بسبب اللي جرالك0قال مخلص محاولا إزالة بعض الحواجز التي تفصل بين البشر والحجر 0
حاولت فلاحة التمثال أن تتكلم لكن نظرة حجرية من عينيّ أبى هوله جعلت الكلمات تحتبس فى فمها0لقد ذكرّتها تلك النظرة أن الرجال قوامون على النساء حتى وان كانوا تماثيل0وأن أخلاق القرية تلزم المرأة بعدم التحدث مع الغرباء فى حضور "سي السيد"0
ـ اللي نحتنا خلاكى واقفة وأنا رابض0أكمل كلامه لها معاتبا!!0عند الفراعنة تمثال الست فى حجم قدم تمثال الراجل0ما تنسيش نفسك0محمـود مختار اختار هذا الوضع تعبيرا عن انطلاق مصر نحو المستقبل اعتمادا على ماضيها العريق0نظر إلىّ مخلص بعد أن نبهها وسأله :
ـ عايز تعرف اللي جرالى0وقبل أن ينطق مخلص الحرف الأول من كلمة نعم اندفعت الكلمات من فم التمثال الحجري كحمم بركان انفجر لتوه :
ـ حرام عليكو0جننتونى0انا بقالى أكتر من عشرين سنـة باطقّ من جنابي ولا حد حاسس بيّه0ياسيدى لا فيه طرد للمونة ولا فوارق بين أجزائي ولاحاجه0ماتصدقشى0دا كلام جرايد0أنا باطق من جنابي وتتفتت أجزائي وتحصل الفوارق بينها بسبب حاجة تانية خالص أنا يا تمثال حاسس بيها0وللأسف انتوا يا بنى آدمين بعضكم ولا دارى بيها0رغم إني أحيانا يتهيألى إن بعض جيراني فى جنينة الحيوانات شاعرين باللي أنا فيه 0
وقبل أن يسأله مخلص عن مشكلته أكمل التمثال بكلمات تقطر حزنا ولوعة :
ـ أنا هنا من قبل التطبيع0استقبل طلاب الجامعة0أحييهم كل يوم0بعض أساتذة الجامعة المشهورين دلوقتى أعرفهم من أيام ما كانوا طلابا صغارا0وليّه منهم أصحاب كتير0ليه تعيّشونى فى انكسار بعد ما دقتم حلاوة الانتصار ليه ؟؟!! 0
تململ تمثال الفلاحة فتساقطت منه بعض القطع الحجرية الصغيرة0كادت فلاحة التمثال أن تتكلم مؤيدة كلام رفيقها الحجرى لكنها تذكرت تحذيره السابق فتراجعت 0
ـ أنا عارف همه اختاروا المكان دا ليه0علشان يكون مقراً لأول سفارة لهم فى مصر بعد التطبيع0أكمل التمثال حديثه والغضب يعتصر كل كيانه فتساقطت بعض أجزائه الحجرية0علشان شباب مصر يتعوّد على وجودهم ويفتكر إنهم دولة زي بقيت الدول عايزة تعيش فى سلام0علشان الناس اللي عاشوا سنين طويلة موش ناسيين إسرائيل واللي عملته فى مصر والعرب تنكسر نفوسهم وينسوا اللي فات0أبدا0ما فيش حاجة اسمها تطبيع0دا كلام جرايد فقط 0
ـ كلامك مظبوط00و00وقبل أن يكمل مخلص كلامه استأنفت كلمات التمثال الخروج من فمه كطلقات مدفع رشاش :
ـ نسيتوا مذبحة دير ياسين0نسيتوا العدوان الثلاثى0نسيتوا يونيه 1967 0نسيتوا اللي حصل لأطفالكم فى بحر البقر ولعمالكم فى أبو زعبل0نسيتوا ضرب مدن القناة0نسيتوا ضرب معامل تكرير البترول فى منطقة الزيتية بالسويس0نسيتوا00نسيتوا0000
وقبل أن يسترسل قاطعه مخلص مزهوا :
ـ نسيت سعادتك إننا هزمناهم فى 6 أكتوبر وقطعنا دراعهم الطويلة0وعلمناهم درس مش ممكن ينسوه بسهولة 0
ـ وبعدين؟! سأله التمثال معاتبا0ثم أجاب هو عن سؤاله بإجابة مغلفة بإطار من التأنيب وبعدين صدّقتوهم على طول0صدّقتوا إنهم عاوزين سلام0ياسلام !!الموضوع بكل بساطة يا أستاذ يا متعلم إنهم رجعوا تانى يتحركوا من النيل إلى الفرات0بس المرة دى بطريقة مختلفة من عدة وجوه 0
ـ إزّاى ؟
ـ أقول لك إزّاى0بس لاحظ أولا إن سكان إسرائيل دلوقتى موش همه بنى إسرائيل المذكورين فى القرآن الكريم00
ـ وعرفت منين ؟0سأله مخلص متعجبا 0
ـ ساعات كان فيه طلاب بيقعدوا يقروا بعض الكتب جنبى0فى مرة سمعت واحد بيقرا للتانى من كتاب لدكتور اسمه جمال حمدان عن سلالة اليهود عرفت من كلامه إن اليهود ليسوا من بنى إسرائيل و00
هنا لاحظ التمثال علامات الحزن وقد كست وجه مخلص فتوقف قليلا عن الحديث0نظر إليه بإشفاق وكأنه يرد الجميل فيهتم بحزنه كما اهتم مخلص بما حدث له0وقبل أن يمسح مخلص دموعه سأله التمثال وقد اعتراه القلق : إيه؟ فيه إيه؟
ـ جمال حمدان مات محترقا بعد أن عاش مختنقا منذ أن بدأ عهد التطبيع 0قال مخلص بكل أسى 0
ـ عارف0فاجأت مخلص إجابة التمثال0وعارف كمان انه مات قبل ما ينشر تلات كتب0واحد عن اليهود والتانى عن العم سام والتالـت عن العالم الاسلامى0وان مسوّدات الكتب التلاته اختفت0أكمل التمثال حديثة متحسرا 0
ذهل مخلص من دقة معلومات التمثال عن ملابسات وفاة العالم الجليل0وقبل أن يعلق على كلامه سأله التمثال بدهاء ممزوج بالسخرية :
ـ إنت مصدق انه مات موتة ربّنا0وإن أنبوبة الغاز فرقعت فيه0انا موش قلت لك إن دا كلام جرايد00
ابتلع مخلص لعابه كأنه يبتلع "شربة زيت خروع" واستطرد محاولا تفادى طرقات التمثال :
ـ سعادتك قلت إنهم رجعوا تانى يتحركـوا من النيل للفرات0ممكن توضح لي شويه 0
ـ أمري لله0أفهّمك وأجرى على الله0ثم اتخذ هيئة الأستاذ وكأنه سيلقى على مخلص محاضرة فى السياسة الدولية :
ـ بعد التطبيع مباشرة ضربت طائرات إسرائيل المفاعل النووي العراقى0مظبوط؟
ـ مظبوط0أجابه مخلص وهو يهز رأسه موافقا ومتحسرا 0
ـ وبعدين أصبحوا يقدروا يدخلوا مصر زي ما همه عايزين0مظبوط؟!
ـ مظبوط00أجابه للمرة الثانية وقد ازدادت حسرته 0
ـ وعملوا معاهدة "تطبيخ0" قصدي تطبيع مع الأردن0مظبوط؟00
وقبل أن يجيبه مخلص أكمل التمثال : يبقوا يقدروا يتحركوا من النيل للفرات إن سلما وإن حربا ولا لأ ؟
ـ مظبوط00قالها مخلص هذه المرة0لكن دى معاهدات بين دول ومصر بتحترم كلمتها من أيام سعادتك زي ما انت عارف 0
ـ مصر طول عمرها دولة محترمة0بس طوال التاريخ والرعاع اللي حواليها طمعانين فيها0زى الهكسوس0سمعت عنهم ؟ 0
ـ سمعت طبعا وقريت عن أحمس طارد الهكسوس00أجاب مخلص مفتخرا بأجداده 0
ـ طبعا قريت إن العبرانيين خانوا مصر وساعدوا الهكسوس0مصر اللي ساعدتهم وسمحت لهم يعيشوا على أرضها فى سلام وأمان بعد المجاعة اللي كانت ها تفنيهم عن آخرهم0علشان كدا فراعنة مصر طردوهم جزاء خيانتهم 0
أراد مخلص أن يبدى للتمثال إعجابه بعمق ثقافتـه التاريخية وأنه قارئ ممتاز لتاريخ مصر منذ عصر بناء الأهرامات لكنه لم يترك إلى الفرصة لذلك وأكمل :
ـ على فكره0الاسرائيليين بيقولوا إن أجدادهم همه اللي بنوا الهرم0دا كلام جرايد0أوعى تصدق0الاسرائيليين بتوع دلوقتى مالهومش علاقة بالعبرانيين اللي دخلوا مصر آمنين مع سيدنا يوسف وخرجوا منها مع سيدنا موسى عليهما السلام0
ودون أن يحمل التمثال مخلص عبء التفكير فيما يقول استأنف محاضرته :
ـ بعد ما تاهوا فى صحراء سيناء أربعين سنـة عقابا لهم من الله لعبادتهم العجل الدهبى دخلوا فلسطين اللي كانوا بيعيشوا فيها مع مجموعة أخرى من القبائل زي الكنعانيين والآراميين والإيدوميين والعمونيين والمؤابيين والفلسطينيين0وبعدين رجعوا تانى لطبعهم المعروف0قام نبوختنصر البابلي أسرهُم ورحّلهم إلى بابل0شويه ورجعوا تانى لفلسطين0لغاية ما ربنا بعت لهم سيدنا عيسى عليه السلام علشان يهدى خرافهم الضالة0وبعدين إنت عارف الباقى بقه أنا تعبت خلاص 0
ترك مخلص التمثال يلتقط أنفاسه الحجرية0عادت به ذاكرته إلى سنوات قليلة مضت0تذكر مقولة بيجن للسادات وهما يحلقان بالطائرة فوق أهرامات الجيزة0أجدادى همه اللي بنوا الهرم0قالها بيجن وهو أول من يعلم أنها غير حقيقية0يومها حمد مخلص الله أن بيجن لم يقل أن سكان إسرائيل هم الذين بنوا السد العالي أو برج القاهرة0لم يدر لماذا تذكر قصة اليهودي التائه الذي طلب من أعرابي أن يركبه معه على حصانه0وبعد قليل أراد اليهودي أن ينافق العربي فقال له ما أقوى حصانك هذا0ثم كرر المحاولة قائلا ما أقوى حصاننا هذا0وهنا أنزله العربي من على الحصان قبل أن يقول ما أقوى حصاني هذا 0
ـ رحت لغاية فين ياأستاذ؟؟00قطع التمثال حبل أفكار مخلص0عارف بقية الحكاية ولا أكمّلها لك ؟
ـ عارف ياسيدى0عارف انهم من بعد سنة 70 ميلادية اتشتتوا فى كل مكان على سطح الأرض ولا عادت لهم دولة ولا وجود لمدة 1900 سنة على الأقل0وعارف إن سكان إسرائيل دلوقتي خليط من السلالات القوقازية زي يهود أوربا والمغولية زي يهود روسيا الآسيوية0وكمان يهـود الفلاشا الأفارقة0يعنى ما فيش حاجة اسمها سلالة يهودية زي ما بعض المثقفين مصدقين00
ـ اليهودية دى ديانة زي المسيحية والاسلام0قاطع التمثال مخلص وهو يريد تأكيد مدى إطلاعه وثقافته0بالذمة فيه سلالة مسيحية أو سلالة إسلامية ؟ 0
ـ طول عمرهم بيزوروا الحقائق0استكمل التمثال كلامه0طبعا انت عارف إن اللي دخل مصر منهم مع سيدنا يوسف سنة 1650 قبل الميلاد كان عددهم بسيطا00نقول ألف ألفين مثلا0عارف اللي خرجوا مع سيدنا موسى بعد 350 سنة0يعنى سنة 1300 قبل الميلاد كام؟ 600 ألف نسمة0يعنى الألف كانوا بيزيدوا ألف وسبعمية كل سنة00
ـ وبتستعجب ليه؟0ماهم مشهورين بالربا0همه برضه مش سرقوا الدهب اللي عملوا منه العجل من المصريين قبل ما يهربوا ؟!
ـ الديانة اليهودية ديانة سماوية تحث على الفضيلة والحق وتدعو إلى عبادة الله الواحد الأحد لكن همه حادوا عن طريقها السليم0من شروط الإسلام الصحيح الإيمان بكل الكتب السماوية وكل الرسل السابقين عليهم سلام الله0فى الوقت اللي كان اليهود فيه مضطهدين من كل شعوب الأرض بسبب عمايلهم المعروفة كانوا عايشين فى أمان وسلام فى أرض العرب حتى ظهر النبي محمد عليه السلام0وبعدين
ـ أنا قارى تاريخ كويس00أنا طول عمري عايش فى التاريخ0ومش معنى إن أساس تاريخى فرعوني إني موش عارف تاريخ الشعوب الأخرى 0
أدرك مخلص من مقاطعة التمثال له أنه لا يريد أن يسمع بقية حديثه00ربما لشعوره بالإرهاق بعد هذا الحوار الشاق0أو ربما لأنه أراد إنهاء المقابلة0كان بوده أن يستكمل محاورته لكنه خشي أن يرهقه فيتساقط المزيد من حجارته وتزيد الفروق بين أجزائه اتساعا ويخرج ما بينها من مونة كما أخرج ما فى قلبه من آلام0استدار عائدا إلى حيث أتي بعد أن ألقي عليه سلام الوداع 0
ـ برضه مشيت من غير ما تعرف سبب تشققنا وتساقط أجزائنا0قالت فلاحة التمثال وهى تنظر إلى أبى هوله نظرة ترجوه أن يدعها تخرج ما فى قلبها كما فعل هو0هز رأسه موافقا تاركا لها الفرصة لتتحدث عن نفسها 0
ـ إحنا حاولنا نمشى من المكان دا أكتر من مرة0موش بسبب عوادم السيارات ولا ريحة جنينة الحيوانات أيام شم النسيم0دا كلام جرايد0احنا قرفانين على طول طالما دا متعلق هناك0ونظرت بغيظ الى علم اسرائيل المتدلى كجثة مشنوقة 00
ـ حاولنا من قرفنا ندوّر وشنا نحو الجامعة فحدثت التشققات0أكمل أبو هول التمثال حديث فلاحته0أما تساقط أجزائنا فسببه إن الفلاحة حاولت تتحرك من مكانها وتروح تقف وسط كليات الجامعة وأنا حاولت أروح منطقة الأهرامات أقعد جنب أبو الهول الكبير0
أعجب مخلص منطق التمثالين وغيرتهما على بلدهما واعتزازهما بكرامتهما0تخيل أن الجنود المدججين بالسلاح الذين يحرسون مبنى سفارة إسرائيل المواجه للتمثال وراء مجموعة من المتاريس إنما يقفون هناك تحسبا لانتفاضة حجرية قد يقومان بها يوما فيجمعان أجزاءهما المتساقطة ويرجمان بها تلك الخطيئة المعلقة فى سماء القاهرة 0أدرك عمق الفارق بين الحجر والبشر0الحجر عندما يتألم فيتكلم0والبشر عندما تموت نخوته فيعمى قلبه ويتحجر لسانه0عاد أدراجه وهو ينظر إلى الأرض خجلا00وفى صباح اليوم التالي لاحظ المارة أن تمثالا نهضة مصر قد أصبحا ثلاثة تماثيل00تمثالان من الحجر وتمثال ثالث من البشر 0 ====
مهداة الى الأديب الكبير ثروت الخرباوي
نشرت ضمن مجموعتي القصصية
(العابر والتماثيل) 1999
المفضلات