من أقوال شاهد زور فى قضية غرق العبارة
شعر/ سمير الأمير
***
انا الحزين اللى كان شاهد وشايف
بيادات بتدهس على الخدود والشفايف
وناس غلابه بتشبه لاحتمال مخطوف
كان السبع جمرات معايا
عدى الزوال من ورايا لعنت الظروف
وبوست ايد العسكرى لما رمالى الرغيف
سرق الشيطان قلبى وقعت اسيره
وعمانى خوفى لقتنى واقف معاه
اتارينى شاهد زور وقلبى خفيف
فى المحكمة امرونى غيرت الكلام
دفع ولاد الغرقانين تمن السفينة الحرام
ومعادش باين لهم وسط العساكر نجاه
ولعاد لدم الضحايا وقت ف عروق الحياه
من فين بقى حتشدنا من تانى احلام الكفاح؟
وازاى حتخرج من حلوقنا الهتافات
ونستجيب للنبض عند اشتياق ارواحنا للجنه؟
من غير ما يعوج شيطان الغواية الصراط
أوتشتهينا شهوة التفاح
لما المشايخ فى شح المواسم يردحولنا ع الشاشات؟
المفضلات