كل عام وإحنا مدبوحين / قصيدة للشاعر:أشرف عزمى

[أشرف عزمى]

كل عام وإحنا مدبوحين

تهنئة بالعام الجديد
200 شهيد ..
400 جريج
أكبر هديه للوطن
يا وطن
كلك كده
مداس عليك
داسوا خلاص على عزتك
دبحوا البراءة
ولجموا فيك السكااااااااااااااات
كلك موات
متحزمين
للرقص جاهزين
والكاسات
مليانه دم المدبوحين
وإحنا كده
دايرين معاك
لَهْيِنا فى حبة فتات
بعنا الشرف
بعنا بناتنا
وأمهاتنا
وبعنا روحنا
عشان ما نوصل للترف
ايه هو ده يبقى الترف
ريش النعام
وكاسات بتبرق
وبنكنوت مالى البنوك
كل ده
من لحم اهلك
من دمهم
وكل عام وانت بتنقص يا وطن
الدور هيجى وتختفى
وعشان خاطرنا متلهناش
لا ف قمة ولا حتى اجتماع
سيبنا كده
الدمع يكوى فى جرحنا
ونلم من حزنى
و حزن المجروحين
دعوة بقلب ملان صفا
وبروح يدفيها الإيمان
الدور يجينا كلنا
يخدنا لرحاب اللى راحوا
والعام الجديد
تفضل تدور على الحياة
متلقهاش
وتعيش وحيد
يـا
و
ط
ن

[ضياء الدين البري]

السلام عليكم -- مجرد راي --
الشاعر الرائع -- اشرف عزمي --



كام حرف يبقوا كلمة

والكلمة تبني او تهد

والوطن شمسه نعمة

فيه نهرب وجواه نمد


اتمني لك المزيد من التالق