مادمت عايش حمود ربك,ولا تفكر كتير وتتلبك.
شو ما شفت ضحاك بعبك,أحسن ما تجيك جلطة ويوقف قلبك.
أشفيا إذا غلي الخيار,هذا غلا عالمي.
ولك الخيار اكل الحمار وأنت يا مواطن أدمي.
وأش فيا إذا غلت البندورة لسا سعرا فيو رحمة.
بكرا لما بجي دوره رح تصير أغلى من اللحمة.
ولما طار سعر الرز المواطن نسيه وشالو من بالو.
قام أجا البرغل و قلو طز ما بقا أداموا غير يشنق حالو.
ولك أش فيا إذا غلت الكهربا,منضل أحسن من سورينام.
بنهار الشمس الله انا سخرا,وبعد المغرب رو حط راس ونام.
ولك أش فيا إذا غلت المي,لا تفش قهرك بولادك..خطي.
المي نعمة وخسكارك باليوم لترين,حرام عليك تتغسل بالجمعة مرتين.
ولك أش فيا إذا غلي الطحين,هادا الطحين من الكماليات.
رو تفرج على أهل الصين,عم بياكلوا طحالب وأشنيات.
ولك أش فيا إذا غلي الزيت والسمنة,هي خطة حطتا منشانك وزارة الصحة.
ما بتعرف أنو كل الأمراض سببا السمنة,وأنت متل ولد صغير كل أتره بدك نحه.
مو غلط أبدا يغلى الحديد والجمنتو,ومو ضروري تسكن ببيت أبن سنته.
لو أنك لتراث أجدادك حفظته وصنته,كنت عشقت حيطان البيت العربي وحبيت ريحة صنته.
ولك أش فيا إذا غلي البانزين,هادا عنا مالوا لزوم.
رجاع عيش متل أجدادك الأولين,وحاج نفكر بالأوبل والأودي والمازدا الزووم.
ولك أش علي إذا غلي الماظوط 140 بالمية,صدقني هادا سائل ما ألو أهمية.
مافيو غير يعبي الهوا شحوار,ومصانعنا شغالة كلا على الطاقة الشمسية.
ولك نحنا ببلد التقدم والتطور والمعلوماتية,سبقنا كل الخلق بخمسين سنة ضوئية.
حاجه تقلي ماظوط وفيول وبانزين,وهالأمم المتخلفة الي عندا طاقة نووية.
نحنا صرنا نشغل معاملنا على الهوا,ونمشي سياراتنا على الهوا.
وأفكارنا صارت بالهوا,وصار أكلنا هوا.
فيا مواطن لسينك ما بقالوا لزوم اقطعو.
وسنانك اللولو اقلعا وضمى طوق اهدي للمرا.
وعقلك اللي براسك هادا ورم استاصلوا لانوا إذا فكرت ببكرى رح ترجع لورا.
وهل الروشتا يا صاحبي لحالتك هي أحسن دوا.
بقا بروك عاقل ولاتقروش أحسن ما تنحرم الهوا.
ولك وقف سماع هل الكلمة قبل ما تمشي,اش فيها إذا غلي كلشي.
الزكرتي والقبضاي بستغنى عن كلشي, ونحنا عنا الكرامة أغلى من كلشي.
بالعز نحنا بنسف التراب,وبالذل منكب طنجرة المحشي.

شرح المفردات:وهو منقول بأمانة عن معجم المصطلحات الحلبية.
ربك:الرب وهو الحاكم أو الملك أو الامير
شو:أدات اقناع بالكراه
أش:حرف مشبوه بالفعل ينصب على كل ما جاء بعده
ولك:أدات نادء تستعمل عند الغضب
اّدمي:مفعول به منصوب عليه وهو ادت تستعملها الحكومة بضرب مواطن اخر
لسا:فعل ماض ناقص من أخوات مازال,ماصار,مانفك,مافتئ
رح:فعل ماض زائد ورغم انه ماض إلا أنه يدل على المستقبل
طز:معروفة للجميع
الكهربا:مادة تموينية تباع بالكيلو
رو:فعل أمر بمعنى انقلع
خطي:ياحرام
المي:سائل لونه أبيض يميل إلى الاصفرار
أتره:وحدة زمنية حلبية وتساوي 1/16 من الشوي س
نحه:أكلات للأولاد الصغار
الجمنتو:الاسمنت المغشوش
حاج:كفى
الماظوط:سائل قابل للاشتعال منع مؤخرا استعماله في التدفئة
شحوار:من أنواع الدهانات يستعمل في طلاء جدران الابنية الخارجية