آخـــر الـــمـــشـــاركــــات

+ الرد على الموضوع
النتائج 1 إلى 4 من 4

الموضوع: يوميات ربة بيت عربية

  1. #1
    أستاذ بارز الصورة الرمزية الدكتور محسن الصفار
    تاريخ التسجيل
    13/01/2009
    العمر
    56
    المشاركات
    635
    معدل تقييم المستوى
    16

    افتراضي يوميات ربة بيت عربية

    ام احمد ربة بيت في منتصف العمر تزوجت مبكرا واصبح لديها اطفال لم تفهم من الحياة سوى السهر على مطالبهم واحتياجاتهم يوما بعد يوم بعد يوم حتى فقدت الحياة أي معنى لها واصبحت وكانها امراة عجوز , في ذلك اليوم افاقت من النوم ونزلت من سلالم بيتها وهي ترفع خطاها بثقل وتفكر :
    اه يا ام احمد السنين تمر والعيال كبروا وكل يوم تزيد همومهم ومطالبهم وفوقها ابوهم اللى طلباته مالهاش نهاية من دراسة الاولاد وكوي ثيابه وعزوماته لاصحابه, وقالت لنفسها قبل ان تصل إلى آخر درجة:
    - الله بيعين نبتدي بقى بالافطار للاولاد وابوهم .
    دخلت الصالة فلم تجد احدا ذهبت الى المطبخ فذهلت ووقفت مشدوهة رأت الطاولة ممدودة وعليها اطايب الطعام وكل شي نظيف ومرتب والعيال وابوهم جالسين حول الطاولة ينتظرونها سالت بقلق:
    - خير ؟فيه حاجة ؟ حد مات ؟فاجابتها ابنتها الكبرى:
    - لاياماما بس انتي بتتعبي طول النهار وسنين طويلة صارلك على الحال ده وحرام مايصحش احناقررنا كل يوم واحد من عندنا يعمل وجبة الافطار وانتي ترتاحي ياست الكل .
    - دار رأس سعاد كالسكرانة ولم تصدق ماتسمع واستندت على كرسي جنبها وقبل ان تقعد أخذ زوجها يدها بيده واجلسها على الكرسي وصب لها فنجان شاي انتفضت سعاد وقالت :
    - ياخرابي ياابو احمد انت تصب لي الشاي بنفسك ؟اجابها زوجها:
    - وايه المشكلة؟ انتي خدمتينا بعمرك(20)سنة هو كثير عليكي فنجان شاي ؟ ده احنا لازم نفرش لك الارض رملة ياست الكل ونخدمك بعينينا ومن هنا ورايح مافيش عزومات في البيت من غير ماقولك قبلها واساعدك انا والعيال علشان ماتتعبيش ياحبيبتي. احمر وجهها خجلا وشكرت زوجها وهي لاتصدق ماسمعته اذنيها من كلمات .
    انصرف الجميع الى مدارسهم وبقيت سعاد مع ابنها الصغير واخته الذي قال لها :
    -عاوز اتفرج على التلفزيون ياماما!!
    ذهبت ام احمد معه كي تختار له قناة مناسبة لاتكون اباحية ولاهشك بشك ولاعنف لان القنوات الفضائية اصبحت كلها برامج لاتليق بالاسرة العربية, ادارت التلفزيون فاذا بقناة تعليمية تعلم اللغة الانكليزية !!!ادارت على قناة اخرى فاذا بها تعرض برنامج ثقافيا عن اللغة العربية وتراثها لم تصدق!! حولت على قناة اخرى عربية فاذا بها تعرض برنامجا عن الموسيقى الكلاسيكية قناة أخرى تعرض برنامج عن البلدان والسياحة قناة اخرى تعرض برنامج عن الاعتدال الديني ونبذ التطرف والوحدة الدينية والوطنية بين أبناء الشعوب العربية واخيرا وصلت الى قناة عليها جملة
    - - (تعلم ادارة القمر الصناعي مشاهديها الكرام بانها قامت بحذف جميع القنوات الهابطة والطرب والسحر , والله الغني عن نقود مثل هذه القنوات وستكتفي ادارة القمر ببث القنوات الجادة والهادفة فقط)
    لم تسع الفرحة ام احمد لخلاصها من هم مراقبة القنوات التلفزيونية وتركت ابنها مع اخته الكبيرة وانصرفت لكي تقوم بمشترياتها اليومية ذهبت الى السوق فدخلت دكان الجزارسلمت عليه وقالت:
    - صباح الخير يامعلم اللحمة كويسة النهارده ان شاء الله ؟
    - 100 فل وعشرة احط لك كام كيلو يا هانم ؟
    - والله يا معلم احنا في نص الشهر والميزانية على قدها اديني كيلو واحد لو سمحت. ضحك الجزار وقال:
    - كيلو ده ايه يا هانم ؟ماعرفتيش ان الحكومة خصصت لكل عيلة (10)كيلو لحمة بالشهر مجانا ؟
    لم تصدق ام احمد اذنيها وقالت مستنكرة :
    - ياعم انت حتتمسخر على الصبح ؟أجابها الجزار :
    - لا والله بجد الحكومة قررت ان النظام الغذائي للشعب مهم جدا ولازم كل واحد يحصل على كمية مناسبة من البروتين وخصوصا الاطفال والا انتي عاوزاهم لاسمح الله يطلعوا بليدين ومخهم ثخين؟لا يا هانم العيال دول اهم ثروة في البلد ولازم نعتني بيها كويس علشان يطلعوا حاجة نفتخر بيها ان شاء الله.
    اخذت ام احمد اللحمة الثقيلة وهي في حالة من الذهول التام وقررت ان تأخذ تاكسي و ماان اشارت بيدها حتى وقفت سيارتا تاكسي واخذ السائقان يتنازعان على من يجب ان ينقلها وكل يدعى انه رآها أولا هدأت ام احمد من روعهما وقالت :
    - ياجماعة انا مشواري مش بعيد يعني اجرته مش الحاجة اللي تستاهل الخناق عليها وبعدين عيب اتنين رجالة يتخانقوا بالشكل ده في الشارع هية من قلة الزباين يعني ؟ مالناس بتتشحتف على ما تلاقي تاكسي؟ اجابها احد السائقين:
    - يااختي لو الموضوع فلوس ماكانش فيه مشكلة , سواقين التاكسيات اساسا مش ماديين والفلوس عندنا مش حاجة مهمة لدرجة اننا نتخانق !!!!!
    - امال ايه الحكاية ؟
    - الحكاية ان الشرطة محددين ان لازم عربيات الاجرة تطلع الستات والاطفال والمسنين والا لو مسكوا تاكسي رفض يطلع واحدة ست يخربوا بيته ويسحبوا رخصته وتبقى شغلانه يعني !!!
    - ركبت سعاد التاكسي ووصلت البيت ودفعت الاجرة للسائق الذي اصر على ان تدفع بالعداد و يعطيها ايصالا بالمبلغ !!!
    عند البيت رأت سيارة جديدة وزوجها واطفالها يدورون حولها فرحين سألت زوجها بلهفة:
    - خير ايه دي؟فاجاب زوجها:
    - والله اليوم ادوني عربية جديدة وقالو لى انها مقسطة على (10) سنين بدون فوايد لاني صاحب عيلة ولازم يكون فيه سيارة بالبيت ده بقى قانون الزامي!!!! .
    دخلت ام احمد البيت وراسها يئن وجعا من كثر المفاجئات السارة والغير مالوفة في حياتها وما ان وضعت الاغراض على الارض حتى رن جرس الهاتف اجابت عليه فجائها صوت نسائي يقول :
    - حضرتك مدام ام احمد؟ فاجابت:
    -ايوه يا افندم أي خدمة ؟ فاستمر الصوت قائلا:
    - انا مدام ميرفت مديرة صالون التجميل الخمس نجوم
    - اهلا يا مدام ميرفت خير فيه أي حاجة ؟
    - احنا حاجزين لحضرتك يوم الخميس علشان تشرفينا نعمل لك مانيكيور وبيديكيور ومساج وكل حاجة تطلبيها !!!!.
    - بس انا ماطلبتش حاجة ولا حجزت . وبعدين ولا مؤاخذه الصالون عندكم اسعاره مش من فئة دمنا احنا ناس على قد حالنا .
    - لا لا حضرتك فاهمة غلط انتي مش حتدفعي حاجة ابدا
    - وامال مين اللي حيدفع ؟ جوزي ؟
    - ده كله على حساب الحكومة علشان فيه خطة لمساعدة ربات البيوت على الاحتفاظ بجمالهم وماتبقاش عيون رجالتهم تزوغ لبرة والا انتي عاوزة بعد سنين العشرة ده كلها جوزك يبص على وحدة تانية ؟؟!!!
    دارت الدنيا بسعاد واغمى عليها من الفرحة وهي تردد عربية تقسيط ! لحمة ببلاش ! قنوات ثقافية ! تجميل ! انا مش مصدقة انا فرحانة ربنا يعمر بيت الحكومة ربنا يخلي الحكومة وينصرها على عدوينها يا رب اهو كده العيشة احنا بلد خير ونعمة وكنا عايشين عيشة تقصر العمر والحمد لله اهو كل حاجة بقت عال العال والواحدة تفرح انها ربة بيت في البلد العامرة دي .
    ذهبت سعاد الى الصالون وقصت شعرها وعملت اضافرها واخيرا ذهبت الى صالة المساج والمدلكة تعمل انواع المساج حتى احست بالاسترخاء التام وغلب عليها النعاس ونامت على طاولة المساج مسترخية سعيدة ولم تصح من النوم الا على يد تهزها وتقول اصحي يا مدام السواق مستني حضرتك وفجاة تغير الصوت واصبح رجوليا ويشبه صوت زوجها واكمل:
    - مساج ايه؟ وهباب ايه ؟ياولية يا قرشانة انتي !!! قومي فزي حضري الفطار للعيال ايه الكسل والقرف ده ! ويكون في علمك انا صحابي في الشغل جايين يتغدوا معايا اوعى تكسفيني وتطبخي حاجة مش ولا بد حاكم انا عارفك ولية غبية ومش نافعة في أي حاجة .

    ولا عزاء لربات البيوت !!


  2. #2
    عـضــو الصورة الرمزية أحمد محمد عبده
    تاريخ التسجيل
    13/01/2008
    العمر
    56
    المشاركات
    107
    معدل تقييم المستوى
    17

    افتراضي رد: يوميات ربة بيت عربية

    السلام علكم
    شكرًا د. محسن على هذه الأحلام المنعشة للذاكرة الإنسانية أعني ذاكرتنا العربية التي ستنسى عما قريب كيف تكون المعاملة الحسنة بين البشر أو نسيت فعلا لأنها لا تجدها... يوميات رئيس وربة بيت... من أول السلم إلى آخره... لكنها فكرة جميلة أحييك عليها..


  3. #3
    أستاذ بارز الصورة الرمزية الدكتور محسن الصفار
    تاريخ التسجيل
    13/01/2009
    العمر
    56
    المشاركات
    635
    معدل تقييم المستوى
    16

    افتراضي رد: يوميات ربة بيت عربية

    اقتباس المشاركة الأصلية كتبت بواسطة أحمد محمد عبده مشاهدة المشاركة
    السلام علكم
    شكرًا د. محسن على هذه الأحلام المنعشة للذاكرة الإنسانية أعني ذاكرتنا العربية التي ستنسى عما قريب كيف تكون المعاملة الحسنة بين البشر أو نسيت فعلا لأنها لا تجدها... يوميات رئيس وربة بيت... من أول السلم إلى آخره... لكنها فكرة جميلة أحييك عليها..
    الاخ العزيز احمد محمد عبده
    شكرا لمرورك الكريم
    تحياتي


  4. #4
    عـضــو الصورة الرمزية منى حمدى
    تاريخ التسجيل
    10/12/2009
    المشاركات
    229
    معدل تقييم المستوى
    0

    افتراضي رد: يوميات ربة بيت عربية

    أستاذنا العزيز
    هذه القصة جميلة الى أبعد الحدود

    ونهايتها مؤلمة لأنها الحقيقة
    يا ترى هل من الممكن أن يتحقق حلم هذه المرأة العربية
    تحياتى لشخصكم الكريم


+ الرد على الموضوع

الأعضاء الذين شاهدوا هذا الموضوع : 0

You do not have permission to view the list of names.

لا يوجد أعضاء لوضعهم في القائمة في هذا الوقت.

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •