عفاريت المصباح السحري

[الشربينى خطاب]

عفاريت
المصباح السحري
ضحك لي الحظ ولقيته
مصباح بطلنا علاء الدين
من فرحتي بالفريكيكو
فركته بإيديا الأتنين
دخن وطلع عفريته
بصيت بسرعة
لقيته اتنين
*****
وقفت أبحلق مستغرب
أطلب طلب ولا اتنين
ولاَّ اجري خايف
وأقوم اهرب
طب بس هاهرب
أروح علي فين
عفاريت وحافظة
أرض الملعب
وهايمسكوني
في غمضة عين
*****
بسرعة سالت
قبل ما أهرب
حضرات جناب
العفاريت
فانوسنا السحري
كانوا قالولنا
ف إصل حكايته
لا فيه فتيل
ولا حبة زيت
جواه عفريت
حارس حارته
صنف واحد
من العفاريت
أمال التاني
دا يطلع مين00؟
****
رد التاني
أبو عين واحدة
وقال يا أخينا اسمعنا
بدل ما اغضب وأذيكوا
مصباحانا واسع ويسعنا
برضاكم أو غصب عنكم
هاعيش معاكم وأدلعكو
انا اللي جي أهنيكو
وإن كنت ناويين
في مناكفة
وحياة أبويا
لوريكو
*****
دنا من زمان
عامل شركة
أنا وعلاء
صاحب المصباح
متسجلة
في متين بورصة
وليَّا فيها نص
الأرباح
والعقد أهوه
ف بنده التاني
مكتوب يا سادة
أنا شريكو

[محمد اسلام بدر الدين]

سلملي على علاء

[الشربينى خطاب]

سلملي على علاء

أنهو واحد فيهم 0!؟
علاء صاحب المصباح
ولا علاء ولي الدين
دول ناس كلهم الدود
واحد مات في بغداد
والتاني علي الحدود
*****
حدد يا اسلام
باعت لمين السلام
قول وما تخافش
من عفاريت الظلام

[محمد اسلام بدر الدين]

وكأنك قلت لي إظهر وبان عليك الامان
اما علاء الذي قصدته والله ما قصدته، لأني لو قصدته لن يلتفت لي لأنه لن يراني من الأساس فقبل ان أصل اليه سأكون قد غربلت غربلة شديدة بحيث اتحول بعدها لمصفي أو ما شابه
لذلك انا بالنسبة لعلاء عفريت وعلاء بالنسبة لي عفريت
وسلملي على أبو علاء أكتيف صاحب محلات الملابس الشهيرة ببورسعيد
* هذه ليست دعاية للمحل

[الشربينى خطاب]

وكأنك قلت لي إظهر وبان عليك الامان
اما علاء الذي قصدته والله ما قصدته، لأني لو قصدته لن يلتفت لي لأنه لن يراني من الأساس فقبل ان أصل اليه سأكون قد غربلت غربلة شديدة بحيث اتحول بعدها لمصفي أو ما شابه
لذلك انا بالنسبة لعلاء عفريت وعلاء بالنسبة لي عفريت
وسلملي على أبو علاء أكتيف صاحب محلات الملابس الشهيرة ببورسعيد
* هذه ليست دعاية للمحل

ماهو لو ظهرت وبنت
حب المظهرة كيف
طبعاً ماعلكش الأمان
دا أنا مهما عيِّبت
ع الظالم واللي خان
وخصلة الأشكيف
هايطلعوني مجنون
والبس معاك القميص
من عند ابو العربي
ولاَّ من عند الأكتيف
ونمشي من الضرب
أنا وانت بنهبِّل
ونقول كلام تخاربف

[محمد اسلام بدر الدين]

خليني في فانوسي المظلم احسن وكل واحد يخليه في فانوسه
والفوانيس انواع
فوانيس بتظبط اصحابها وفوانيس بتلطش في حاملها وده طبعا يرجع لرداءة أو جودة المنتج الفوانيسي
وفانوس علاء بابا اشتراهوله من افخم محلات البلد اقصد من أفخم محلات سويسرا
ربنا يخليلوا بابا ويخليهم لينا

[الشربينى خطاب]

عمَّال تجرجرني
واخدني بقي علي فين
هي السودان ناقصة
حبة بهدلة وأسافين
ما احنا اللي علينا الدور
يحطونا في قضية
أنا وانت والصابرين
ننسجن مع الحرامية
في سجن بابه مسوجر
فاكرها يا اسلام
خالتك شريفة فاضل
فلاحها لما غني
من بدري جنب السور
كانت جات لها فكرة
ودت القلب في طوكر
ما تخللِّينا في بلاوينا
لو مسكونا يا صاحبي
ها ينسونا اسامينا
أنا جتتي مش خالصة
لا أنا هاقدر استحمل
النوم علي البرشه
ولا اللي هايجري لينا
لو سلكوا الكرشة

"طوكر ":

منفي في السودان من أيام محمد علي باشا يا ياشا
في منطقة مهجورة علي حدود أرتيريا والصومال
استخدمته الثورة لسجن معاريضيها