وحداني يا أمه

[الشربينى خطاب]

وحداني يا امه
مين اللي قال صورتك
غايبه عن بالي
صورتك يا غاليه تمللِّي
واقفة هنا قبالي
شايفها ف ملامح بنتي
تحضني وتبسني
ماهي ذكري بقيالي
****
لما الربيع بيزورني
بيطبطب علي خدي
فيزود ف أحزاني
ويصحي من تاني
كل مواجع قلبي
ليه يا أمه فيتاني
مش كنتي وعداني
طيف ها يجي يزورني
ليلاتي ف احلامي
بيعدي ليلي بطيئ
وانا لسه مستني
يجيلي طيفك ومضه
أولمحة في ثواني

****
برد الشتا طوُّل
ليله اللي وراني
من بين سحاب الغيوم
كوابيس في منامي
عدي ربيعي بدري
وجاب وراه صيفه
رغم حرارة شمسه
حضنه ما دفَّاني
هافضل كده علي طول
لحد ما يجي خريقي
في الدنيا وحداني 0!؟

[محمد اسلام بدر الدين]

يـــأ ســــلآم ع الكلام الجميل اللي حرك المية فى مٌقل عينيه وخلاني أحن ليها ولمة ايديها
الله يرحمها ويرحم جميع الاموات

[الشربينى خطاب]

يـــأ ســــلآم ع الكلام الجميل اللي حرك المية فى مٌقل عينيه وخلاني أحن ليها ولمة ايديها
الله يرحمها ويرحم جميع الاموات

معقول أكون وحداني
وانتم هنا ف قلبي
ما هو كل عيد والتاني
من يجي ستين سنه
أحن وألقاني
ذي الولاد اللي ذيي
متحركة أشجاني
وخدني ليكي شوقي
ومتجددة احزاني
من غير حضنك يا غالية
مر طعم الأيام
اناجيكي بقي تزوريني
لو حتي في الأحلام
يا غلبي أنا وآه يا ني
دا حتي ساعة طلوع
روح مرتي اللي حباني
قالت لي الملايكة حاضرة
نفسك في إيه اتمني
استحلفتها بالله
لحظة واحدة تستني
لحد ما اكتب لأمي
اللي ساكنه الجنة
رسالة استعطاف
اصل من يوم فراقها
يا اخوانَّا وحشاني

[/quote]

[محمد المشهور]

من أنا...!!
وكيف جئت الى هنا..!!
من أنتِ..!!
ولما تحتويني هاكذا

آآه ما أروعك
أماه ضميني تحت جناحك
كم استشف الدفئ عِندك

ما عدت أحتمل الفراق
كم هو موجع ومؤلم بعدك

خذيني باحضانك كي أنام

آآآآآه يا أماه لو تدرين
كم قاسيت من الأيام
قتلت كل احساس بالامان

جعلتني أرتجف من برد الآلآم
أخاف المجهول

ارتعش من البكاء كالمولود

رحماك يا أماه

أضعت المفتاح

أمي هلاّ تفتحي لي الباب
من جديد

لاكون كما أنا وكما أريد


اجرك الله على هل الكلام الحلو . .
واعذرني على المداخلة

[الشربينى خطاب]

من أنا...!!
وكيف جئت الى هنا..!!
من أنتِ..!!
ولما تحتويني هاكذا
آآه ما أروعك
أماه ضميني تحت جناحك
كم استشف الدفئ عِندك
ما عدت أحتمل الفراق
كم هو موجع ومؤلم بعدك
خذيني باحضانك كي أنام
آآآآآه يا أماه لو تدرين
كم قاسيت من الأيام
قتلت كل احساس بالامان
جعلتني أرتجف من برد الآلآم
أخاف المجهول
ارتعش من البكاء كالمولود
رحماك يا أماه
أضعت المفتاح
أمي هلاّ تفتحي لي الباب
من جديد
لاكون كما أنا وكما أريد
اجرك الله على هل الكلام الحلو . .
واعذرني على المداخلة

شايفك من ساعة جنبي
علي قبر جنب أمي
شايف عنيك بتعبي
دمع الوجع أحزان
ولمَّا العين تفضي
دمع الألم والشوق
سيل ع الخدود نازل
عرفان كما فيضان
ألقاني أدعي من قلبي
ويَّا دعاك اللي طالع
طالبين لهم يا ربي
العفو والإحسان

[عادل عبد القادر]

جميل ما قرأت هنا
محبتى