دعوة عامة لمناقشة ديوان الشاعر عصام رجب

[بثينة الناصري]

الى كل من يعشق الشعر العامي في مصر، ويستطيع ان يصل الى محافظة 6 اكتوبر غدا الجمعة في الساعة السابعة مساء . سنكون في انتظاره للترحيب به في نادي 6 اكتوبر.
يناقش الصالون الأدبي في نادي 6 اكتوبر (والدخول مجانا والدعوة عامة) مساء الجمعة 17 ابريل ، الديوان الاول للشاعر المصري عصام رجب وعنوانه (كرباج وطن) .
الديوان صادر عن هيئة قصور الثقافة ، وسيناقشه الدكتور شريف الجيار والشاعر سامح القدوسي والشاعر منجي سرحان.
يدير الصالون الناقد خالد جودة.
ويحضر الصالون كل احباء الشعر العامي والشاعر عصام رجب.
ستكون فرصة جميلة لأعضاء واتا في مصر للقاء في ربوع 6 اكتوبر الخضراء.

[بثينة الناصري]

نماذج من شعر عصام رجب:

أتلو علينا ما تيسر من سورة الإسراء
واختم بسورةالضحى
و أبدأ بـمريم صفية ربها العذراء
مين فيكو داق طعم الصور ؟
مين فيها داء؟
و تلت صور متعلقين فوق الممر ..
وانا قلبي ... مــــــــــر
ومخبى حرف الصاد .. من الصياد
والحرف طعمه ف حلقي ... مر
يا شعب دايساك ...الصور
جازف... و مر
و ارسم بايدك مرة صورة
ساعتها بس ح تبقى... حر
...............
لساك يا طير
بتوشوش الجرح القديم
وتضفر الصفصاف ف شعر العيله
و ترافق الحلم
ف حزام المريلة
و يسيل غناك ع الضفتين
يتجمع الأصحاب حواليا
ابن اسما عين و ابن الدسوقى
ويسرى جاب الشيخ حسين
و طه سارح و سطنا مليان أنين
حاضنين جوابات الغرام
إل كنت باكتبها
لهذا المنتمى ..
مكتوب على خد السما ...
أنا مش بحبك
إنما ..
أنا بعشق الأرض اللي حاضنه خطوتك
و باعشق الألم - الرصاص-
لما يزغرد صوته فوق صدري
طعمه / ولا تعريجة
الكرباج على ظهر الفرس
و أنا جارر الحنطور
و مغمى عيني من الألم
ومن الصور
ومن الزمن
خمسين سنة
و رجعت شايل م الوطن
خمسين وطن
و تلت صور