مقلب زباله !!

***********
مليون صنم اختصاص اخر علام
واقفين طابور عمال يدور حوالين مقام
دى قوه عاميه قرع باميه الكل نام
مابين خيوط العنكبوت
بناطيل وجيبات متعفرين بالتراث
وفوق راسم خطوط ///////////
ونقط ....................................
وعلامات استفهام ؟؟؟؟؟؟؟؟؟؟؟؟؟؟؟؟
وقف الرصيف انتباه
والعمر بيجرى سريعا مرش
جلابية ستى مقلوبه على كتفى
بكمامها العقده وشنيطه
<< ارشيف عمرى متلخبط >>
شهادات .. احلام ..
وكرامة عليها زبل فيران
زبال همسلى فى ودنى
ارمى زبالتك يا ابنى .. عينتك عندى
قلبت جلابية ستى .. نفضت كرامتى
حطيتها فى جيبى المخروم وبدأت اللم
تحت العرق ايصالات على كمبيالات
عقود عمل عرفيه
محاضر اداب
ورق بفره
اعلانات تمليـــــــــــــــــك
<< مش ليك يامعفن >>
فوق الرصيف
زهور بلاستيك ازايز بلاستيك
ودان بلاستيك قلوب بلاستيك
جنب الرصيف اكياس بلاستيك
مكتوب عليها << كفايه >>
علقت المقطف ومشيت ورا الحمير
لــــ حد المقلب !!
تحت اكوام الزباله الارض بور
سالت دموع العشش طرحت قصور
طلت من الشرفه الكبيره
افواه كتيييير
تفت
على
المزبله
****************
محمد فتحى السيد