أمريكا ليه متفرعنه
أمريكا ليه متفرعنه .............. على كل دوله مُسلِمه
واخده الأمور بالفتونه ............ عاملالنا فيها معلـِّمه
دايمًا تفوَّر دمنا ................. عاوزه الدوَّل مستسلِمه
لو قلنا قرآن ربنا ................. نازل علينا من السما
تاخد مواقف مننا ................. والدنيا تبقى مضلـِّمه
ــــــــــــــــــــــ
لو حد كان م المسلمين ............. ربك نفخ في قدرته
يطلع له ناس متأمريكين ............ ويجهزوله حُفرته
ويلموا ليه مُتآمِرين ............. ويرجعوه عن سِكِته
يفضل من المتأخرين ............ زي البغال متلجمه
ويلاقي نفسه بين نارين ..... إما السقوط أو آخرته
ــــــــــــــــــ
زرعوا كيان عن إسرائيل . شوكه تكون في ضهرنا
بلوَّه من الوزن التِقيل ........ فوق أرضنا وف بحرنا
جاروا على القدس الجليل ..... دلقوا المراره ف قلبنا
يعني خابور ملهوش مثيل ...... معمول ببوز متسممه
وف كل فتره بييجي جيل .......... جوه المآسي يجرِّنا
ـــــــــــــــــ
وف مجلس الأمن الضعيف .. مهما طغىَ الظالِم وجار
قاعدين في مبنى كبير مُخيف ...... بيرتبوا كام اختيار
لكن أميركا بصوت عنيف .. بتعارض الناس والقرار
بضمير مهوش أبدا نضيف . تِلقىَ الأمور مش حاسِمَه
يطلع قرار ظالم سخيف ..... فيه اللي جار هوَ المُضار
ـــــــــــــــــــ
دلوقتي غزه بتِتعِزق .............. بالطيارات والدبابات
وبيوت كتيره بتِتحِرق ......... جواها ناس أكترها مات
فيها الجريح اللي اتخنق .. مسابوشي شيء حتى النبات
فيها الحيطان بقيت ورق ........... زى الزباله مكوِّمه
والناس كأن ف يوم سبق ....... الكل هربان م الغارات
ـــــــــــــــــــ
أمريكا قاعده مطنـِّشه ...... شايفه المجازر ع الهوا
شايفه جثث متنقرشه ............. بالعيله يتدفنوا سوا
وشيوخ كبار مِتفشفِشه ........... عيانه محتاجه لدوا
تِطلع بفيتو بدون خِشا .......... وباقي البلاد متألـِّمه
وهناك يهود متوحِّشه ...... ضد البريء اللي استوَىَ
ـــــــــــــــــــــ
نرجع نقول ان العرب . هُما الأساس في اللي حصَل
كان ضعفهم هوَ السبب ...... سابوا السفيه يعمِل بطل
والجُبن أصبح للرُكب .......... واليأس صابهُم بالشلل
الكل خايف ينضِرب ............. والأمريكان متحكـِّمَه
عارفه انه في بلاد العرب ... حكام وسايقه في الهطل
********