يا نخـــــــــــــــــله

[مسعدالنحلة]

يا نخـــــــــــــــــله
يا نخله ليه بعزِّتِك شبَّـــــه وبصَّــــه لفـوق
دايمًــــا بتِتنفسِّــي وكل البشــر مخنــــــوق
لو جار علي ثروتِك حاقد قليل الـــــــذوق
أو جه عدو يهددك ظالِـــــــم ومِتعالــــــي
هتهِزهزيه بقوتِك علشان يُقع مدلـــــــــوق
ــــــــــــــــــــــ
يا نخله مِتكرَّمَه مِن ربنا المعشــــــــــوق
دايمًا بتِعْلِي قوي علشان تِنــاجي فـــــوق
إنتي مثل للأمل للصبــر ويـَّا الشــــــوق
بتسبَّحِي لربنـَّا مِن بُرجك العالــــــــــــي
لا بتسجُدي للبشـَر ولا تِركعِي لمخلــوق
ــــــــــــــــــــــ
آيه وبتكرَّمِك صُبحانـُه مِن كـــــــــــــرَّم
خلاكي تدِّي البـــلح للسيِّـــــده مـــــريَّــم
بَلـَحِك يفيد الغني ويشبَّــــع المُعْـــــــــدم
رُطبك مسكـَّر قوي يا هنانا لمــــا نـدوق
لو كان طعامي بلح عُمري ما يوم حنـْدَم
ــــــــــــــــــــــ
شبهها يوم النبي بالمؤمن العابـــــــــــــِد
قال انها طيبه والأصل شيء جامِــــــــد
مليانه حُب وصفا والقلب موش جاحد
متصعـَّدَه بفرعها طالعه لِغايــــة فــوق
يعني النخيل يبقى اخوه المؤمِن الساجد
ـــــــــــــــــــــ
يا دوله مِستسلـِّمَه وملخبطه حالــــــــى
خلـِّيكِي نخلة أمل إنتاجها في العالــــــي
خللي الأداء والعمل ينتِج لنا الغالــــــــي
دا اللي يدوق البلح يرجع كمان ويـــــدوق
علشانه من ربِّنا مش منحه م الوالــــــــى
ــــــــــــــــــــــ
دا شرفنا زي النخيل شامِخ ما يوم هيمِيل
راسِخ بعزَّه وشمَمْ عُمرُه ما نخ ذليــــــل
نرفعلـُه فــوق العـــلم والويل وكل الويل
لو جه عدو يهدِّدُه أو في الرزاله يسوق
نِطلـَع عليه ونِنسِفُه ما نسيبلـُه راس ولا زيل
ــــــــــــــــــــــ
يا رب يا مقتِدِّر خلـيِّني شيء غالــــــــى
واجعلني نخلة بلح راسخه بقوام عالــى
مزروعه في جنـِّتك مشغول بها بــالـى
يسَّر أمُور دنيِّتِي متخلـِّنيش مذنــــــــــوق
خللِي الهُدىَ دُنيِّتي والطاعه راس مالــى
ــــــــــــــــــــــ
يا ريت نعيش كلـِّنا زى النخيل طــــــاهِر
ولنِعمِتك نِشكرك بالحمد ونجاهِــــــــــــر
إجعل إيماننا قوي بعطــــاء يكون ظاهــر
طمِّن لِنا نفسِنا خللي مرضهـــا يـــــروق
وابعِد عديم الثِقه إللي بيتظاهـِـــــــــــــر
***********