Affluenza
انا بقيت مجنون خلاص وناقص علي اجري بالبيجاما في الشارع اصرخ كفاية حرام عليكم . يظهر أني تعبان جدا يا زملائي الأعزاء . اشعر بالإرهاق الشديد من محاولتي المستميتة لإنشاء مشروعي وشركة سفن الفضاء اياها، نفسي انجح وأبقى غني .
عايز فلوس كثيرة نفسي اشتري كومبيوتر احدث ، سيارة اكبر ، نفسي أسافر أتفسح في بلاد الدنيا. جري!! جري!! وراء المزيد وبرضه مش قادر أجاري او مثلما يقول الانجليز Keep up with the Joneses. في الحقيقة حاسس ان كل شيء قبض الريح وحصاد الهشيم. مفيش فايدة.
اقترح على صديقي أبو العريف أن نذهب إلى الدكتور جمال صادق صديقنا الطبيب النفساني.
وصفت الأعراض للدكتور ، فقال لي يا سمير أنت مصاب بمرض affluenza. صرخت أنفلونزا ايه يا دكتور !!!!!
"لا هذا شيء مختلف تماما" -رد جمال وكتب لي شوية مهدئات.
سالت ابو العريف ما حكاية affluenza هذه .
قال ابو العريف بد ان قلب في مراجعه:
Affluenza: a painful, contagious, socially transmitted condition of overload, debt, anxiety and waste resulting from the dogged pursuit of more
.
بصراحة أعجبتني الكلمة قوي ، وربنا يبعد عنكم هذا المرض، لكن ياريت تساعدوني في ترجمتها.
سمير الشناوي
4-4- 2007
المفضلات