أنا بعذرى .. عشان عينيك
وأنت شنو ... عذرك ؟؟ و شنو .. ال جابرك علىَ
أظنو ما عندك عذر.. غير أنا .. حياتى كلها تفديك
و تأخذى منها بكل أعذارى .
بس تيجى منك رسالة .. شوق
رسالة ..شوق أكيد فى بدايتها .. سلامات
وكام كلمة من الأعجاب
و حتى عتاب
و يمكن انا طمعان .. بكلمة حب .. بكام دمعة
ما نحنا ... أظن ..لسه .. أحباب
أكيد طيفك يجينى .. وانا العايزه
بسيمات من ثغرك الجذاب
أكيد جذاب .. واصلوا أهلى ربونى على الترحاب
و يوم فى الدنيا .. جنب حبيب ما بكون .. كذاب
شنو ال بيأخر .. الكلمات اذا ولدت
فى صدر الريد.. و شنو ال يمنع التنهيد
اذا باتت عيون فى سهاد
و تذكرى
من الأول .. ما بينا عتاب
خلاص انا بلملم الكلمات .. ولونها
و أصيغ لجيدك أغلى عقد ..
ولك انا أتحدى كل الناس
و امشى من بلاد ل بلاد
و أقعد امام عينك .. وسط زحمة الأيام .. و أقول أرتاح
و أقول ليك : مدى ايدك
مدى الىَ .. عشان انجو
وأطرد صرخة الأشباح
و أسمحى لى : أعيد تذكيرك
أنى : خلاص تعبت شديد
و عايزك تمنينى .. بكلمة شوق .. بهمسة ود
و أغلى حديث و احلى صراح ..
و حتى بضحكتين او نظرة من عينيك
عشان تزهر شجيرتنا : بعطر انفاسك الفواح
و نبدأ مواسم الافراح
و.. كمان .. أنا .. أرتاح
الريد = الحب دارجة سودانية
شنو ؟ عذرك
رد مع اقتباس
المفضلات