الـتوكتوك أرحَم
التوكتوك أرحَم
والله يا ناس التوكتوك أرحم ....................
....................... من عربات الزفت الكارو
إللي العربجي لمـَّا بيشـْتِم ........................
....................... ربنا يكـْفِي الناس من شرُّه
دايمًا ماشي لوحدُه مْخالِف ......................
........................ وحمارته هيَّ اللي تجُرُّه
أما التوكتوك رغم ضآلتـُه .....................
.................... لاكن ماشي بوِّشـُه وضهرُه
في الأرياف حالِل مشاكِلهم ....................
..................... فيها الناس مفتونه بسِحْرُه
نسيُّوا بسببُه فضل حميرهُم ..................
..................... والتكاتيك بيعبُّوا ويجرُوا
بس كلام الحق نقولـُه .........................
......................... ربَّك واضِع فيهُم سرُّه
فين دلوقتي صحاب التوكتوك ...............
................... بقيُّوم واللهْ نجوم واشتهَرُوا
ربَّك يُسْتـُر بس علينا .........................
.................. ليسيبوا الأرياف ويهاجروا
يمْلوا عواصِم مصر الكـُبْرَىَ ..............
....................... يتسابقوا فيها ويعافروا
وينافسوا الأتوبيس والتاكسي ...............
................. والمِني باص وكمان المِترو
إدعِي معايا وقول يا مُغيثنا ................
................ خلـِّي التوكتوك يرْجَع قبْرُه
**********
رد مع اقتباس
المشاركة الأصلية كتبت بواسطة نجوي أبو ليله
المفضلات