لعب العيال ....

[ماجد كمال ابادير]

فاكرة لما .. كنتي تبقي..
باصه من فوق حيط سطوحكو ..
والشقاوة الحلوة كانت ...
ويا احلام البراءة ...
كنتي ترميلي الشريطة ..
ولما كنت ارفع عنييه ..
لجل ما امسكها ب ايديه ..
كنتي تاني تسحبيها ..
لسة فاكر ابتسامتك ..
اللي مليانة شقاوة ..
لجل ما تعلن .. هذيمتي .. وانتصارك ...
ولما كنت امسك طرفها ...
كنت باشعر.. ان لينا جسم واحد ..
نصه عندي .. ونصه عندك
كنت باشعر ...
ان لينا قلب واحد ..
قلب هايم ع الشريطة ...
يجري عندك ... لما اشد الطرف عندي
يجري عندي لما كنتي تسحبيها ..
كنت اشد الطرف لكن ...
كنت اموت لو تفلتيها ...
ولما كنت احس ضعفك ..
كنت اخف الشد حبة ...
لجل ما تعودي وتاني تملكيها ...
وبيقي تاني القلب بينا ...
قلب هايم ع الشريطة ...
يجري عندك ...
لما اشد الطرف عندي...
يجري عندي...
لما كنتي تسحبيها ......

[نجوي أبو ليله]

فاكره كل اللي كان
فاكره نظرة الحنان
وكلام الاقارب والجيران
نفسي ترجع ايام زمان
ونرجع من تاني عيال
نطير فوق السحاب
ونعوض تاني الغياب
ونقعد تحت الشجر
ونسرح ويا القمر