كل عام واحنا نردد: كل عام واحنا بـِ خير
بسم الله الرحمن الرحيم
كتبت هذه القصيده في عيد الاضحى العام السابق وكان حينها الحصار على غزة فكتبت هذه القصيده
يقول الله تعالى:(( إِنَّمَا الْمُؤْمِنُونَ إِخْوَةٌ....))
ويقول محمد اطهر البشر عليه الصلاة والسلام:( لا يؤمن أحدكم حتى يحب لأخيه ما يحبه لنفسه) رواه البخاري ومسلم.
إن كنتم تروني لا أخلاقي هنا فمرحى بالا أخلاقية
[/كل عام واحنا نردد:كل عام واحنا بِ خير = وماسمعنا العام يصرخ كل يوم وانتم بِ عار
ممكن إنّا ماسمعنا لأننا نهرج كثير = وممكن انه بعض منا استمع بس مايغار
عادي عنده الوضع عادي لأن ماعنده ضمير = لو تقول له :الاخت صاحت قال يعني وش اللي صار!!
هذي هي فلسطين تصرخ ياعرب هل من نصير؟؟ = انقذونا...انجدونا ...غيروا هذا المسار
بعد ما كلّت وملّت قالت عادي مابه ضير = وش هو يفرق عيدنا اصلا عنّكم غير الحصار
انتم تضحّوا بذبايح وتاكلوها بالاخير = واليهود يضحّوا فينا بالليالي والنهار
عندكم العاب نار تشتروها للصغير = واحنا مانحتاج نشري كل يوم إطلاق نار
عيدكم ايام عطله يعتلي فيه الشخير = تشخروا من بعد نومه وإنّا بعد الانتحار
تشبعون من النعائم وكل واحد يستهير = مثلنا الجوع يشبع مننا حتى استهار
عندكم اسرى لحب(ن) حتى للاشواق اسير = الصراحه اسراكم اكثر هالحقيقة لاغبار
بس فرق العيد انه عيدكم وقته قصير = وإنّا طول العام عيد(ن) الفرح فيه إحتضار
عيدنا اكيد احسن وبعضكم منا يغير = جربوا هالعيد انتم ثم اعطونا اختيار
قبّلوا كف المذله ... العبوا دور الحقير = شوفوا كيف الحزن سلة وسطها دمعي ثمار
شوفوا كيف الاستغاثه كالشحاذة من فقير = شوفوا كيف العز اسدل فوق رأسه الخِمار
شوفوا كيف الموت يسجد..في صلاته يستخير = عن مكانه بالرصاصه او يكون تحت الدمار
شوفوا كيف الحق اصبح يعطي ظهره.. يستدير = من متى والحق اصلا شاف باطل واستدار؟؟
هذا هو العيد الحقيقي لامنافس .... لانظير = قولوا انتم وش نسوي لجل نكسر هالجدار
لولا انه مو عطشنا مااعتبرناكم ك بير = لو رجينا شيء ساكن كان تحرك بل وطار
انتم لو سويتوا ثوره واجتمع حشدٌ غفير = القرار مايبدأ ينفس الا بعد ذاك الحوار
وعي فيكم مو طبيعي مانجيبه لو نطير = المهم نصبر ونصبر ننتظر اقوى قرار
وبالفعل يظهر قرار(ن)فيه تحديد المصير = (بإنّا لانقبل إساءة ...نرجو منكم اعتذار)
حطوا فوق نرجو علامه وتحتها خط(ن)كبير = شوفوا كيف الحق زمجر وبالرجاء عاتب وثار
الله اكبر ياعربنا مجدكم امسى كسير = يركض المسكين يعرج في مطار الانتصار
مادرى المسكين ان الذل هو اصبح سفير = مادرى ان الذل اصبح يحتكرنا إحتكار
ودام ان الظلم اصبح فجأة للدوله امير = مو غريبه الشعب يصبح رمز اكبر للصَغار
لاتقولوا ياجماعة كل عام واحنا ب خير = دام باقي ماانتصرنا كل يوم واحنا ب عار
رد مع اقتباس
المفضلات