يا زمن الغربة و الغرباء
يا شوقى الطال .. لبلاد و حدود
يا مرابع صبحى .. البات مفقود
انا واقف منذ بديت .. مشدود
مشدود .. بخيوط من نور .. وضياء و كلام مسحور
و ابوى الشيخ .. فى كل صلاة
يدعى و يقول : يا وليٍد .. عـد
و اعود .. واعود
بخيالى معاك .. ال ما محدود
ياليل الغربة : لما يجن .. حنين لبعيد
ارقب انوار أفلاككم .. و تتفجر فينى مشاعل غى
و اقيف على حيلى .. عشان موطء اقدامى ..
ما تسمع قولت أى
اصرخ من حرقة دمعى .. و دمعى ما هو شوى
و ازيد و اعيد
رحماك يارب ..أعطينى سلام .. و صلاح .. ورضى
أعطينى القوة .. و بعض الزمن الجاى .. ارجينى ايام
لعلى اعود .. لحبيب مفقود
وأشيل من حبك و اديهو .. اسمح لى
يا نور من نور .. يا فضاء مسحور
يا ملايكة .. يا حور
يا عيون من الفه .. بتحرسنى .. و حنين .. و حبور
يا الله الحمد .. انا جانى نعاس أو نوم
يطوينى بثوب من خوف
و بدور ارتاح .. من سهر الغربة .. ال ليهو سنين ..و سنين
قول لى : سلام .. و سلام و سلام
انا امكن أمشى بعيد .. لبعيد .. لبعيد
و وصيتى سلام .. لعيون .. و عيون
و وصيتى لزول : ما بيعرف مرة يخون
او مرة يكون فى يوم ظالم او يوم مظلوم
اهدينى سلام .. يارب سلام .. سلام
المفضلات