ماتصلو ع النبي ياموحدين قصيدة بالعامية المصرية
قصيدة
ماتصلو ع النبي ياموحدين
بالعامية المصرية
************
عشت عايش عيشة ثانية
ما حد قاللى أنت فين
عشت راضى بكل ثانية
ألم ملحي في رغيفين
حد سل السيف عليه.
وإن وعيت له أشوف سيفين
مين ها يرحم في الضحية
اللي حس الخوف خوفين
مصوا دمى قصاد عينييه
نهرى مغلي بضفتين
نخل عمري طال عليه
والتمرتين المخطوفين
مازادوش الهموم عليه
قول وصبرك بعده فين
قلت صابر وما ضامنش ديه
أخد لي موقف ولا موقفين
الدموع في العين عصية
والسكك بالمخاطر محفوفين
ناس تقول هانعيشها دنيا
وناس بغرور العيشة منفوخين
وناس غلابة مالهمش ديه
تحت رجلين العَجَلْ مفرومين
وناس ماحساش المسئولية
والكراسى نجدناها للمسئولين
لأجل مايجيبولنا ولايخدونا للحرية
هما ليه منها متخوفين
ولابسين فوق وشوشهم وشين.
والشين اللى غل وأتشفى فيه
مادريتش إلا وأحنا ملبوخين
نلحق في بعض و القضية
بنت كل القضايا المتلفقين
والدروب قناديلها مطفية
والجناة مش معروفين !!
كل الأيادى الخفية
لا لا لا مين قال مش معروفين؟؟
دى الجناة عايزين ضحية.
يغوصوا في جراحها مغوطين
والخصومة ماكانتش لييا
دى الخصومة ياموحدين
للى خطا ضلام الجهل والغية
وعاش بقلبه يامسلمين
عاش بدليل أنواره المصطفية
يوهب الدنيا نور ودين
ماتصلو ع النبي ياموحدين
صلو ع النبي ياموحدين
***************
للشاعر
محمدأسامةالبهائي
مصر
[/align][align=center]
الشعراء
رد مع اقتباس
المشاركة الأصلية كتبت بواسطة عبد العلي فيلالي بالحاج
المفضلات