مع خالص تحياتي !!!!!!
بينك .. وما بين اللي ما يتسموا ...
يجي ميت مليون سنة ضوئية
مستكترهم ...؟
دانا مرضتشي اقولك اكتر..
علشان يمكن يضرب ف نافوخك عرق الدم وتنطق..
وتقوم جري واخدها ..
علشان تلحق اخر عربية ف اخر قطر بيودي ...
بلاد الشمس بتطلع فيها يوماتي ..
عارف ؟؟
كان جدك عمال بيعافر ويعاتل .. علشان يوصل لاقرب بركة مية ..
علشان بس يشوف فيها وشه ..
علي حس الضي اللي بيطلع نص دقيقة ويجري ...
ولما ظبطها وشافة اتخض وغفلق مات ف ساعتها ...
عارف..؟؟
بيقولوا عفريته بيطلع كل ما ييجي الضي...
وبيسخط .. كل اللي شوفه .. عند البركة ساعتها حمار ....
وابوك مات خايف حتي يقرب مرة هناك ...
واخوك الاصغر منك ... جاب واحد م اللي مايتسموا ..
وشقه من ساسه لراسه ... ودخل جواه ...
قوم مات فطسان ف الحال ....
مش قاعد غيرك ...
ومافيش قدامي الا انت ...
هتقوم وتروح للبركة اياها ...
ولا سيبك وارجع تاني ..
لبلاد اللي ما يتسموا .؟؟؟؟؟
رد مع اقتباس
المفضلات