لما طفيتى النور ومشــــــيتى
قلب القمــــــر الطيب رق
رحتى ف سكة وقلبى ف ســكة
هنت عليكى اضيع ف الشــــق
واما تعبتى بدمــــــع رجعتى
انا دلوقتى بقـــــــولك لا
***
ياما اتحمل قلبى كلامـــــك
شــــــكك غيرتك من ايامك
ياما ســــــهرت الليل اتالم
اشــــرب حزن بكاس اوهامك
وانت بعدتى بقســــوة وسبتى
قلبى بينزف جــــــرح ودق
واما تعبتى بدمــــــع رجعتى
انا دلوقتى بقـــــــولك لا
***
شـــايفك راجعه بقلب ضعيف
ورد ربيعك قطفه خـــــريف
لا دا انا قلبى اتعلم يفــــرق
بين الحق وبين الزيـــــــف
واللى غرامها دوانى ف بعــدك
قلبها كله طهاره وصــــــدق
مهما تحاولى مــش ح ارجعلك
انا من قلبى بقــــــــولك لا
****
المفضلات