آخـــر الـــمـــشـــاركــــات

+ الرد على الموضوع
النتائج 1 إلى 3 من 3

الموضوع: جولة ترفيهية في بستان الأمثلة الشعبية العراقية !

  1. #1
    أسـتاذ جامعة بغداد / سـابقاً الصورة الرمزية الدكتور عبدالرزاق محمد جعفر
    تاريخ التسجيل
    06/04/2008
    العمر
    91
    المشاركات
    607
    معدل تقييم المستوى
    16

    افتراضي جولة ترفيهية في بستان الأمثلة الشعبية العراقية !


    جولة ترفيهية في بستان الأمثلة الشعبية العراقية !

    - حط الحديد على الحديد يصيح رن.
    الدك يفك اللحيم.
    - كالوا اسكنجبيل ..بس موهل الثخن.
    - ادهدر الجدر لكه قبغه.
    - هل الركعه على هل البابوج.
    - جانت عايزه التمت.
    - طاح العريان عله المتوزر.
    - جوعان يعلج علج ..عريان لابسله انعال.
    - سبع صنايع والبخت ضايع.
    - اعمى يكود بأعمى .
    - اللي يكله العنز ...يطلعه الدباغ.
    - خوجه علي ملله علي.
    -مثل بلاع الموس.
    -اتغده بيه ..كبل ما يتعشه بيك.
    - ردناه عون طلع فرعون.
    انجان هاي مثل ذيج ...خوش مركه وخوش
    ابيش ابلشيت ..يابو بشت.
    - اللي يشوف الموت يرضه بالصخونه.
    - روح فهم حاج احمد أغا.
    - اللي مكروص حيه..يخاف من سحاله.
    - الصواب اللي بغيرك ..شدخ.
    - اللي يدري ..يدري ..والمادره كضبه عدس.
    - اللي ما يعرف تدابيره جنطته تاكل اشعيره.
    - اللي يريد شي ...يعوف شي.
    الحار جوه ..يا اخيار.
    أكل البلح حلو,.. بس النخل عال.
    أللي ما يدندل زبيله ماحًد ييعبيله.
    الحمل الثقيل ما يشيله غير صاحبه .
    الباب اللي تجيب الريح سـده وأستريح. أللي ما يسوكه ,.. مرضعه,.. سوك العصا ما ينفعه.
    سـوي زين ,..وذب بالشط.
    جزنه من العنب ونريد سلتنه.
    العقرب دواها النعال.
    كلمن نصيبه يصيبه.
    أللي ياكل بضرسه ينفع نفسه.
    أللي ما يجي وياك , تعال وياه.
    أللي يدك الباب يردوله الجواب.
    الحبل على الجرار.
    من لحم ثوره واطعمه.
    شالحمله,..وكام يكاري.
    تيتي,..تيتي,.زمثل ما رحتي أجيتي.
    أنا وياك والزمن طويل.
    مثل السك ,..مأكول ,..مذموم.
    كلمن يمد رجله على كد ألحافه.
    زود الغركان غطه.
    أجه يكحله, عماها.
    الأعوج ما ينعدل,..مثل ذيل الجلب.
    أللي يتزوج أمي,..يصير عمي.
    من هل المال حمل أجمال.
    وياهم,..وياهم,..عليهم,...عليهم.
    الشط منو حفره والنغل منو أبزره.
    لمن شاب,..ودوه للكتاب.
    وكت العركه, يشد حزامه.
    أمصخم بن عم صانعهم.
    كبل ألبسم الله, يمد أيده.
    يركض والعشه خباز.
    لا تدوس على الشيطان, ولا تكول اللهم صلي على النبي.
    شلك على الناس غير المروه.
    حبايه..حبايه,تصير كبايه.
    فلوسه أبعبه, والناس تحبه.
    ألأمام أللي ما يشور,..ماحد يزوره.
    رايح, جاي,..مثل منكوك الحايج.
    البطانه أغلى من الوجه.
    باكه لا تحلين كرصه لا تكسرين أكلي لـمن تشبعين.
    أطفر النهر ما طوله ضيك.
    الشبعان ما يدري بالجوعان.
    صاحبك حلو ما تاكله كله.
    حجاره أبلاش,..عصفور أبفلس.
    رمانتين أفد بأيد وحده ما تنلزم.
    أقفل بابك , أمن جارك.
    الواحد ما يصير أثنين.
    مو كل أمدعبل جوز.
    حرامي البقر يعرف حرامي الجاموس.
    يًـد وحده ما أتصفك.
    ما كو دخان بلا نار.
    هذا مو بيت الفرس.
    أمشي شهر ولا تطفر نهر.
    أكل,.. أكل أسباع وكوم أبساع.
    ضاع الأخضر بسعر اليابس.
    أللي يثرد يدري, والياكل ما يدري.
    تساوت الكرعة وأم شعر.
    لو بالسراجين لو بالضلمه.
    ألف صديق ولا عدو واحد.


  2. #2
    عـضــو الصورة الرمزية محمد خلف الرشدان
    تاريخ التسجيل
    18/02/2008
    العمر
    74
    المشاركات
    1,970
    معدل تقييم المستوى
    18

    افتراضي رد: جولة ترفيهية في بستان الأمثلة الشعبية العراقية !

    شكراً لك يا سيدي على هذه الأمثال العراقية الممتازة ، وان كانت بعضها بحاجة للتوضيح لعاميتها

    أنا عربي وولدت في أرض العرب حراً أبياً ، لا أقبل الضيم ، ولن يقر لي قرار حتى تعود فلسطين حرة عربية ، ويعود العراق حراً عربياً .

  3. #3
    أستاذ بارز الصورة الرمزية الدكتور أحمد الياسري
    تاريخ التسجيل
    13/02/2009
    المشاركات
    1,142
    معدل تقييم المستوى
    17

    افتراضي رد: جولة ترفيهية في بستان الأمثلة الشعبية العراقية !

    موضوع جميل.
    بعض الامثال بالطباعة ظهر فيها خطأ، وتغيرت معناها ومنها:
    - اللي ما يعرف تدابيره جنطته تاكل اشعيره.
    الصحيح حنطته وليس جنطته

    أللي ما يدندل زبيله ماحًد ييعبيله.
    الصحيح زنبيلة وليس زبيله

    اللي يكله العنز ...يطلعه الدباغ.
    الصحيح ياكله وليس يكله

    أكل البلح حلو,.. بس النخل عال.
    التمر وليس البلح لانه لا تستخدم كلمة البلح في العراق

    شالحمله,..وكام يكاري.
    شال حمله وليس شالحمله

    تيتي,..تيتي,.زمثل ما رحتي أجيتي.
    ومثل وليس زمثل

    مثل السك ,..مأكول ,..مذموم.
    الصحيح السمك وليس السك

    ألأمام أللي ما يشور,..ماحد يزوره.
    محد وليس ماحد

    رايح, جاي,..مثل منكوك الحايج.
    مكوك وليس منكوك

    رمانتين أفد بأيد وحده ما تنلزم.
    أفد إيد وليس بأيد


+ الرد على الموضوع

الأعضاء الذين شاهدوا هذا الموضوع : 0

You do not have permission to view the list of names.

لا يوجد أعضاء لوضعهم في القائمة في هذا الوقت.

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •