يهدد بالذبح يفرض القانون وعلى ابناءاالشعب جرد سهامه
اذا الشيطان امامه ودينه الفلوس وحكومه امسيره ومابيها كل خير
اشتترجه الخير من كومة قمامه
اسود على الشعب رادو ايصيرون
وعلى العدوان تلكاهم نعامه
وخطيه ياعراق القهر والضيم
انتهكت وبيك ماظلت كرامهم
واجتك ناس مدري امنين وامنين
امن الشيطاان لن بيهم علامه
مثل عبدالذليل وقيس على هاي
ولوردت الصدك اتعس مقامه
باجر تنتهي وتعدي على خير
ومايفيدك تعض اصبع ندامه
العراق ايظل اصيل اشما جره وصار
طبع لن بيه ميدنك الهامه
صحيح الجوع ضكه وقهر واحزان
وكثرة اطفال البيه ظلت يتامه
هذا ايريد ماما وذاك ايريد بابا
وعلى الشفتين مذبوحه الابتسامه
ويوميه المدن قصفها الغربان
وصار البلد جن يوم القيامه
ويكول المادره والنايم الليل
وانه الليل كلي اشلون انامه
البلابل بالقفص ومقفله البوب
وبالبستان مذبوحه الحمامه
الي مني وبيه صار ايدور الثار
وعلى صدري النذل سدد سهامه
بسجاجين الغدر رادو يذبحونك
وصح الكال من الله السلامه\
ليش اهل السماحهابرخص باعوك
وتفلس ماتحس اهل الفخامه
ولوردت الصدك مالازم اخفيك
لئن من ذوله منزوعه الكرمه
المهم يبقون بالسلطه ويامرون
وابن البلد مايسمع كلامه
الله يساعدك ياعراق على الظيم
عليك الليل اشو طول ظلامه
متى الغايب يعود ويكشف الليل
وبروس الكفر يحصد حسامه
لاجن صبرا ياعراق الكلك اجروح
لابد يوم تنزاح الغمامه
االشاعر داود الكعبي
المفضلات