أحساس جميل
أحساس جميل
إني ابتدي يومي
بوشك وابتسامه
والدفا في كفك يصافح مهجتي
يحضني صوتك
لما تهمسي
بكلمة أحبك

إحساس جميل
أني أحسك وأنت جنبي
بتزرعي في نفسي
السكينه والهدوء
وتوزعي عطرك في قلبي
و العروق
وترتلي آيات
عشان يبعد كل سوء

إحساس جميل
بيزرع فرحتي
لما أحس بخطوتك
في الليل تشقر علي العيال
وترجعيلي بلهفتك
يحضني قلبك
قبل ما يدفيني قربك
والوصال

إحساس جميل
لما نتشارك الفجر
الصلاه
وتأمني بعد الدعا
لما نتشارك صيام
تلاته كل شهر
لما نقسم حزننا
ويضمنا ليلنا بفرح

أحساس رهيب
لما اسمعك بتقولي أه
ساعتها بأتمني الوجع
يفارق مهجتك
ويضمني
و لوبقيت الليل
بطوله أئن بالف أه

اشرف نبوي