.
.
.
.
يَامْشَرَّطْ لَحْناكْ
الْفَمْ الْمَهْدُومْ
مَا يَنْفَعْ فِيهْ سْواكْ
وَحْشْ الْمَحْرومْ
عَايَشْ مَضْيومْ
كُلَّ لِيلَه يْموتْ
احْداكْ
الْخَنْجَرْ لْمَسْمُومْ
حْضي جْنابَكْ لَيَلْعَبْ مْعاكْ
كولْ ما جاكْ
لَعْجَبْ قَدَّامكْ أُوموراكْ
الشَّكَّارَه طامْعَه فْصَّاكْ
فِيقْ يا لْمَعْدومْ
راهْ لَعْمَرْ دَرْداكْ
قَلَّبْتْ عَلْماضي
لْقيتْ الدْراعْ كََََََََََاضي
خْواوْ الزْريبَه
لا مولْ الشِّي
لا عَسَّاسْ حَاضي
لا مَحْكَمَة لا قاضي
نْظَرْتْ فْحالْ الجْماعَه
لَحْرارْ فَلْكَََََََََََََاعَة
عَمْراتْ قاعْ الدَّار بَالطَّماعَه
الطْفَلْ هازْ الرَّضَّاعَه
دَايَرْ بو شْويكَه
ثَاقَبْ وَدْنوا فيها زوهاكََََََََََََه
وْغارَسْ فيها سَمَّاعَه
يْضُورْ عْلا راسوا
وَسْطْ الرْباعَه
ما طالبْ هَمَّه ما يَتْسَنَّا شْفاعَه
لِّي خَلاَّهْ الشْريكْ
كَمْلوهْ الرَّبَاعة
يا ويلْ مَنْ هَزْ راسُوا
يَنَتْفُوا ليه الرِّشْ
لا غْلا عْلا دَرْويشْ
بيعْ ليهْ بَالدُّوبَلْ
راهْ ما قاريشْ
عايَشْ بَلْكينَه
وَمَكَمَّلْ بْلَحْشيشْ
كَََََََْلَسْ سْمَعْ كْمَعْ
هْبَطْ شْكُونْ كََََََََّالِّيك طْلَعْ
وَيَّاكْ تْديرْ التْخَرْشِيشْ
قَلَّتْ الطَّاعه وَالتْبَرْهيشْ
.
.
.
..
المفضلات