عيدك سعيد يا وطن
و ولادك اتلموا
الجار لجاره ابتسم
و الواد ف ايد عمه
يا عيد سعيد يا وطن
و الكل راح همه
************
الناس بتتبسم
و الكاس بيرقص طرب
و اللحن متقسم
بيعزف غناوى العرب
و الكل راح سلم
بعد الصلاة التقينا
فرقنا كل المحبة
وزعنا ع اللي انحرم
و اللي حزن برضوا حبة
فاردين كاسات المعايدة
و بلادنا يومها سعيد
عيدك سعيد يا وطن
********
و يا رب يا ربنا
كل الثواني تعيد
أحلي و أحلي نشيد
قلناه ف يوم العيد
اللمه يا إخوانا
راح تسعد أيامنا
عيدك سعيد يا وطن