كل عام وانت حبيبي.. وانت أقسـى الناس عليا
تأليف الشاعرة / شريفة السيد
----------------------------------
بمناسبة العيد.. كل عام وانتم بخير
--------

كل عام وانت حبيبي.. وانت أقســـــــــى الناس عليا

كل عام وانت بتســـــــــــــحب روحي مني قدام عنيا

كل عام وانت بتكســـــــــــــر نقطة الضعف اللي فيا
:
:
كل عام وانت شايفني أحلى حاجة وأغلى حاجـــــــة

بس أحلامي الجميلة تبقى عندك أي حاجـــــــــــــــة

واسألك عن سـر صدك تتخنق ماتقولش حاجــــــــة

:
:
كل عام وانت حاببني زي لحن جميل عـــــــــــازفني


والغرام في عنيك جناين بس تبقى مش شـــــــايفني


واما آجي لحد عندك تعمل انك مش عـــــــــــــارفني
:
:
كل عام وانت حبيبي وانت أغلى حاجة عـَنـــــــــــدي

كل عام وانت بتخلف الوعود وانا عند وعـــــــــــــدي

وان عـَنـَدْت معاك يا غالي ألتقيك على قد عــِِِـِـــــندي
:
:
كل عام وانت بتفرش دنيتي بأشواق وغــــــــــيرة

والتفت ألقاها رحلة كذب واستهتار وحـــــــــــيرة

كل عام وانت بتدبح كل أحلامي الكــــــــــــــــــبيرة
:
8/سبتمبر/2010.
:
مع أجمل وأرق أمنياتي

شريفة