بنت الناس اللي تحت
ــــ
يسموها مايسموهاش
يطولوها وماننولهاش
ماتبقاش كلمة وحلم
وبعد دا كله مانطولهاش
ولا هي الحريه لناس ناس
وناس تانيه ملهاش
وأنت بتعشق بنت خيالك ف الأحلام
ماشي .. أحلم
وادخل جوا الحلم مرة
لو طعم العيشة مُـرة
واطلع من أوضة النوم
لو مافيهاش حريه وقوم
من حبسة زهقك البدروم
أسكن في السطح العالي
الحريــة بتضييق ع الناس
وسكان الأرضي بتتألم
وأقله هاتعرف تتكلم
تتمتع بطلوع السلم
وإن عرقك هايحر هدومك
أهي فرصه تتسلي في يومك
تهرب من كتمة بدرومك
هاتنهج وتريح
وهاترجع وتواصل
وإن نئحت عليك المفاصل
دلكها بأيدك وواصل
وبلاش تعوصها بتراب الترابزين
والشعبطه ع الجاهزين
من بــاتــا بأبزيم
لحد مايمسحهم الناس اللي تحت
وأنت لو أرتحت فوق السطوح
وعرفت تاخد نفسك المبحوح
بكل حريه
ماتغرقش في الحلم
وتتـوه
وتنسيك طلعتـك للسطوح
الناس اللي ماطالتش السطوح
والنومة في البدروم
وحلمك المعلوم
وهروبك الكتير ف النوم
أعدام
ونام
حاتلاقى
البنت اللى بتتمناها
حقيقة وجيالك أدامك
بكل حريه
زى المـلاك
********
بالعاميـة المـصريـة
للشـاعر
محمدأسـامةالبهـائي
المفضلات