متابعه حية ليوم الغضب المصري الثاني 26 يناير لحظه بلحظه

[سامح عسكر]

هبة الجماهير الغاضبة ثورة بدأت لتستمر وتنتصر
ومعا حتى يتم تنحي ذلك الظالم الجاسم على صدورنا




هذا وسوف نتابع معكم لحظه بلحظه غضبة الجماهيير المصرية
خلال أحداث اليوم الثاني من ايام الغضب 26 يناير 2011
وسوف نوافيكم بأحدث التطورات

[سامح عسكر]

جبهة شباب من أجل مصر | على جماعة الإخوان المسلمين وحزب التجمع وحزب الوفد إعلان المشاركة " رسمياً " بكل أعضائهم و مساندة الشعب المصري في ثورة الغضب .

[سامح عسكر]

صحيفة الأهرام | شيكولاته وورد في عيد الشرطة ..
تبادل المواطنون الشيكولاتة والورد مع رجال الشرطة بالمحافظات, تعبيرا عن البهجة بأعياد الشرطة. وشهدت المحافظات المختلفة إقبالا كبيرا من المواطنين علي نوادي الشرطة لتقديم التهنئة. وكان في انتظارهم أعداد كبيرة من قيادات الأمن التي قامت بتوزيع الحلوي علي المواطنين الذين تسابقوا ...في تقديم الورد. كما قامت الإدارة العامة لشرطة ميناء القاهرة الجوي بتوزيع الورد علي السائحين.

http://www.ahram.org.eg/424/2011/01/26/25/60407.aspx

[سامح عسكر]

صور من ميدان التحرير أمس

[سامح عسكر]

رسالة من الراصد | أحمد عبد الحميد


انا لسة راجع من المظاهرة، تعبان جدا و عندى برد من المية اللى رشوها علينا ، ده كله مش مهم ، اللى شفته لازم يتحكى ، و يتنقل بين الناس كمان.


...
انا مش هاكتب بالفصحى، مافيش حيل.



اللى شفته النهاردة كان سلسلة من المفاجآت العظيمة ، العظيمة بجد.



المفاجأة الاولى: عدد الناس كان كبير جدا زى ما شفتوا على التليفزيون ، كله كان فاكر انه رايح لوحده ، و الباقى كالعادة قاعد فى البيت ، بس لأ، مش ده اللى حصل.



المفاجأة التانية ان معظمهم شباب، و فرافير، بتوع الفيسبوك ، شكلهم يدل على راحة مادية نسبيا ، وناس كتير من مهن كتير، شفت زملاء فى الكلية ماشفتهمش من عشر سنين فى المظاهرة دى ، غريبة ان دول اللى نزلوا مع انهم فى معظم الاحوال مش مطحونين أوى زى بقية الناس.



المفاجأة الثالثة: على الرغم من ان معظم الناس شباب بس كان فيه كبار و ستات فى الخمسينات و ما شيين على مهلهم كده، و مش قليلين ، كتار، و كان فيه ناس ماشيين بولادهم.



المفاجأة الرابعة، كان فيه بنات معانا ، أو عشان أكون دقيق كانوا اكتر مننا فى الجروب بتاعنا ، و بنات فرافير من اللى تشوفهم فى الشارع تقول دول متربيين فى شرنقة دهب ، و مايعدوش الشارع لوحدهم ، بس ايه رجالة ، و جدعان ، بنات بس رجالة ، مش عارف ازاى.



المفاجأة الخامسة، كنا خايفين على البنات ان حد يتحرش بيهم ، ما حدش ، كله كان محترم ، و خايف عليهم اكتر مننا ، ده دليل ان التحرشات اللى بتحصل من مدسوسين من الداخلية.



المفاجأة السادسة: ما فيش عنف، خالص خالص ، و لما ناس بدأوا يهاجموا عربيات الامن المركزى اللى رشوا علينا مية، بدا كله يهتف: سلمية، سلمية ، سلمية.



المفاجأه السابعة: لما و صل الاعتصام التحرير و قعدنا فى التحرير، فيه ناس بعد كده بدأوا ينظفوا الميدان من المخلفات عشان الناس تعرف اننا متحضرين.



المفاجأة الثامنة: بصيت على الحتة اللى كنت فيها فى الميدان لقيتها نضفت فعلا!



المفاجأة التاسعة: بنت معانا ماكنتش اعرفها بتحلف بالمصحف و بالنبى عرفت انها مسيحية ، الغريب انه مابانش!!! ليه؟ عشان كلنا بنحب بلدنا و بنهتف عشان تبقى احسن ، فما بانتش الفروق الطفيفة دى.



المفاجأة العاشرة: مقدار النشوة و الفخرة و انت يتهتف باسم مصر باعلى صوتك "مصر...تصفيق قوى..مصر...تصفيق فوى"، البلد اللى المفروض انه وطنك، و بتحلم طول عمرك انك تعيش فيه بقية عمرك، من غير ما حد يتهمك أو تتهم نفسك بالعاطفية و الحمق ، أخيرا بتعلن انك بتحبه ، ومن غير خجل.



المش مفاجأة الحادية عشر: فى و سط الخوف و القلق من اللى ممكن يعمله الامن ، تبص للسما و تهتف مع عشرين أو تلاتين الف و تقول الله أكبر و ياااااااارب، و تطمن ، لانك نصرته ، فهو أكيد هاينصرك، وقد فعل و له الحمد و الشكر.



المفاجأة الثانية عشر: جميل منظر الناس و هم فى وسط ده كله يتجمعوا و يصلوا جماعة.



المفاجأة الثالثة عشر: شباب مصر شباب زى الفل، من غير مبالغة، و بكل ما فى الكلمة من معان: شهم، جدع، بيحب بلده، واعى و فاهم جدا ، وربنا فى قلبه.





المفاجأة الرابعة عشر: أقوى هتافات كانت بتجمع الناس كانت هى الموجهة لمبارك ، و النظام ، الشباب فاهمة أوى و عارفة فين المشكلة ، الهتافات التانية ماكانتش بتلاقى نفس الحماس.



المفاجأة اخامسة عشر: شفنا ابراهيم عيسى و الناس بتشيلوا على الاكتاف، و حبهم ليه ظاهر وواضح، و قابلت نوارة نجم، و سلمت عليها، و كانت مدمعة من الفرحة من جمال و بهاء اللى شايفاه، فعلا، المحترم محترم فى كل حاجة ، و اللى بيرضى ربنا مش نفسه، ربنا بيديله كتير ، كتير أوى.



المفاجأة السادسة عشر: احنا بفضل الله خيطنا الجيزة، و كل ما يحاولوا يوقفونا يلاقوا العدد كبير و يفتحوا، مصطفى محمود، شارع جامعة الدزل ذهابا و ايابا، البطل احمد عبد العزيز ، ميدان الدقى، ، شارع التحرير، الاوبرا، ميدان التحرير..



كتير كنت باحس انى خايف و مش عابز اتضر، بس مافبش خيار آخر، ده باطل و ظلم ، ولازم نحاربه، ربنا أمرنا اننا نحاربه ، لانه مش خالقنا اعتباطا، لو كان خالقنا عشان نعبده و نستمتع بنعمه، و خلاص، يبقى فين الفايدة ، ربنا خالقنا عشان نعمر الارض، و نستعمل نعمه فى ان احنا نحارب الظالمين و ننشر العدل، و هو قالنا من الاول ، عمرك و رزقك بايدى مش بايد حد تانى ، انطلق انت بأه ولا يهمك.



اكسر خوفك و انضم للي بيدافعوا عن الحق ، مسلمين أو مسيحيين، مش بتحلم ان ولادنا يكبروا فى وطن؟ يكون همهم اختراع كبير بيعملوه فى جامعة محترمة، أو كتاب معقد بيألفوه، بدل ما احنا مستهلكين فى العيشة و اللى عايشينها، و الشغل التافه اللى كلنا بنعمله، ايوه تافه، انت يا الا دكتور عارف انك اتعلمت اى كلام و بتوع بره احسن منك بمراحل او مهندس زيي ما يحلمش انه يعمل شىء معقد، كل اللى بيعمله اتعمل قبل كده خمسين مره مع فرق التفاصيل الغير مهمة، و لو عايز فلوس اشتغل فى البيع واللا التسويق ، أوتلاقيك بتعلم فى جامعة و عارف ان اللى بتعلمه مضى زمنه و حتى لو كان كورس كويس انت متأكد ان تلاميذك مش هايشتغلوا بربعه، لانهم هايتخرجوا يشتغلوا فى الكلام الفاضى اللى احنا بنشتغل فيه (ده لو اشتغلوا)، ما عندناش ناسا و لا هارفارد و لا كليفلاند و لا ام أى تى، انسى. انا لما بابص لابنى اللى عنده شهر بافكر لو ربيته كويس هل ينتهى زيى، مشغول بالقرف اللى بيحصل، و غالبا هاينضم لاى حركة، عشان يطلع الغل اللى جواه، و الله أعلم ايه اللى هايحصله، يا الا اربيه أى كلام فيطلع حرامى أو حزب وطنى، يا الا يسافر و اشوفه كل سنة مرة ، يا الا اتكل على الله و احاول انى اصلحله البلد.



الاخبار ان الامن فض الناس فى ميدان التحرير، ما اعرفش ايه اللى هايحصل بكره أو بعده أو بعد شهر، الناس دى زينا ، بيتظاهروا عشان الظلم بيوجع ، و بيئلم، فيه ناس ماتت ، و فيه ناس اعتقلت و لسة هايكملوا ، عشان الحرية و الكرامة طعمهم جميييييييييييييييل ، روح خليك معاهم، خليك مع الحق ، سواء فى ميدان التحرير، أو فى أى حته فى المستقبل، ما تنساش ان كله بايد رب العالمين، رزقك و صحتك و عمرك، و لو ما كانش اللى ماتوا فى المظاهرات ماتوا شهداء النهاردة، كانوا برضه هايموتوا فى نفس المعاد فى حادثة هابلة، أو أى حاجة من الحاجات اللى بتموت الناس فى مصر لاتفه الاسباب.



المفاجأة الاخيرة، نسيت أقولها معلش: مصر بلد محترمة شعبها حى و بينتفض عشان كرامته، و ظهر على الجزيرة أخيرا و هو بيصرخ و يقول ،وش كده من غير لف ولا دوران: الشعب...يريد...اسقاااط النظام.





وده طعم الحرية و الكرامة:

[سامح عسكر]

[سامح عسكر]

البشاير : أحمد عز ـ المزور الحالي وعازف الدرامز السابق ـ فر إلى خارج مصر !



26/01/2011
قالت جريدة البشاير الإلكترونية أن مصادرها أكدت أن الصالة الرابعة من مطار القاهرة شهدت حركة غير عادية . وتدفق السيارات السوداء الي مهبط الطائرات .
مشيرة إلى أن واحدة من السيارات السوداء كانت تقل أحمد عز أمين تنظيم الحزب الوطني ، الذي إستقل طائرته الخاصة ، الي جهة غير معلومة ..

وقالت المصادر أيضا : إن عددا من أطقم الطائرات الخاصة موجودين في المطار الآن ، بعد أن تلقوا تعليمات بتجهيز الطائرات للطيران ..
وكانت شائعات غير مؤكدة قد قالت أن جمال نجل الرئيس قد غادر مصر اليوم بصحبة زوجته وطفلته ، غير أن مصادر قالت أن جمال موجود ويتابع التظاهرات بنفسه .
وتسببت تصرفات حمقاء لأحمد عز محتكر الحديد فى أزمات للنظام ، حيث زور عازف الدرامز السابق الإنتخابات التشريعية ، وتسبب فى أزمة دستورية غير مسبوقه نالت من شرعية الرئيس ونظامه .

[سامح عسكر]

R.N.N | شبكة رصد عاجل | حركة شباب 6 أبريل

علي الجميع التوجه لميدان التحرير مره اخري المتظاهرين نجحوا في السيطرة عليه مره اخري | الشعب يريد اسقاط النظام

[سامح عسكر]

عاجل من تويتر على لسان تونسي:

الى كل اخواننا الثوار في مصر استخدمو الاسبراي الاسود او البويا لتغطية زجاج السيارات المصفحة حتى تشلو حركتها

[سامح عسكر]

من تونس الشقيق الى كل اخواننا الثوار في مصر:
حاولوا قدر الامكان التاثير على الشرطة بانشاد الاغاني الوطنية
و التظاهر في الليل لارهاقهم
و التجمهر في مجموعات متفرقة لتشتيت انتباههم
و التصعيد و عدم التراااجع
...استخدمو الاسبراي الاسود او البويا لتغطية زجاج السيارات المصفحة لتشلو حركتها انشر ذلك

[سامح عسكر]

ستظل الثوره الي يوم الجمعه المقبل لتنطلق من جميع مساجد الجمهوريه

http://www.ikhwan.net/forum/showthre...E5%E6%D1%ED%E5

[سامح عسكر]

تعليق من صفحه الرصد

طريقة لجعل الأمن ينضم إليكم:

كان فيه صورة انا كنت شفتها من شوية كان المتظاهرين شالوا فيها الحواجز ما بين الأمن و المتظاهرين، الطريقة لضم رجل أمن إليكم بعد ما تشيلوا الحواجز... بالطريقه ديه: سحب الأمن من يده الفارغه و شده باصعب ما عندك، ثم خ...لع خوزته و مستلزمات الدفع و إعطائها لواحد من المتظاهرين فى امام الصف، و ذلك سوف يحدث خلل فى صفوف رجال الأمن و يمكنكم من الدخول وسط صفوف الأمن، و تسحبوا كمان رجل أمن و تعملوا نفس الحكايه، بعد كده مجموعة من المتظاهرين يسحبوا ضابط شرطة و بكده الضابط مضتطر ينضم إليكم (او رجل الأمن) و بكده سيحدث خلل فى نظام الصفوف و بكده تقدروا تنجحوا فى توقيف رجال الأمن عند حدهم و للمعلومة انا مش بهظر، بس الفكرة دى استراتيجية و اكيد هتنجح لو اتنظمت صح! برجاء جعل كبار المتظاهرين ان يخططوا لتنفيذ هذه الخطة

[سامح عسكر]

R.N.N | شبكة رصد إنتظرونا بعد قليل

تغطية أحداث اليوم الثاني لثورة الغضب
‎

[سامح عسكر]

يرجي من لديه اي خبر من اي مكان فليتعاون معنا وينشره في هذا الموضوع

[سامح عسكر]

شبكة رصد

تنويه ورجاء || من شبكة "رصد" لكل من سينزل اليوم!! .. احفظوا أرقام الخطوط الساخنة التي سيعلن عنها ، اعرف الميل اللي بتراسلنا عليه ، فور اتصالك من موقع المظاهرة قم بالإبلاغ عن الآتي :1- موقعك ، 2-عدد التظاهرة أو التجمع ، 3- ماذا يحدث ؟ ، 4- التوجه إلى أين؟ ، حتى يسهل على "لجنة التواصل" للشبكة تحديد هوية الخبر وصياغته
المراسله علي الايميل التالي

info@rassd.com

[سامح عسكر]

R.N.N | شبكة رصد مصدر أمني: تدخلنا لفض احتجاجات "التحرير" لتسيير حركة المرور

[سامح عسكر]

R.N.N | شبكة رصد مؤكد | حصيلة ثورة الغضب في يومها الأول : مقتل 3 أشخاص بمدينة السويس وجندي أمن مركزي بالتحرير وإصابة العشرات في أماكن متفرقة على مستوى الجمهورية واعتقال المئات من المتظاهرين .

[سامح عسكر]

R.N.N | شبكة رصد منظمو ثورة الغضب | إعلان " الإضراب العام " في كل أرجاء البلاد يومي الأربعاء والخميس .


R.N.N | شبكة رصد جبهة شباب من أجل مصر | ندعو جميع الشباب للنزول إلى الشارع والإنضمام إلى المتظاهرين والمشاركة في الإضراب العام يومي الأربعاء والخميس وعلى جماعة الإخوان المسلمين وحزب التجمع وحزب الوفد وباقي المعارضة إعلان المشاركة " رسمياً " بكل أعضائهم وعدم الاكتفاء بمشاركة الشباب والبرلمانيين و مساندة الشعب المصري في ثورة الغضب . .


R.N.N | شبكة رصد بالنسبة للتواصل من خارج مصر : الخطوط الساخنه للبلاغات ، لأن الناس "مشكورة" كانت بتتصل تسأل ، وده شيء رائع ، كثيرا ما كان يبكي شباب لجنة التواصل من المكالمات وحرارتها ، لكن في حالة اليوم تابعونا على الفيس من الخارج ، ولا تشغلوا الخط على اخوانكم الذين لديهم بلاغات ، لأجل أن تصل الصورة كامله

[سامح عسكر]

R.N.N | شبكة رصد البرادعى: خروج المصريين إلى الشوارع «بداية لعملية تاريخية» .. وثقافة الخوف «تحطمت»

[سامح عسكر]

R.N.N | شبكة رصد الداخلية: إصابة 18 ضابطًا و85 شرطيًا ووفاة شرطي .