المجد لله ف العلا

[ماجد كمال ابادير]

( المجد لله ف العلا .. علي ارضه نرجو السلام

شعر : ماجد كمال ابادير
بالعامي الفصيح
القاهرة
نفس الحكاية بتبتدي ..
مع طلة العام الجديد ...
نفس انتظارنا للدموع ...
للدمع عيد
قولوا للكف الملطخة بالدما
( لتكن سعيد)
ليس هناك ما يسمي
عندنا الشئ الجديد
الكل مات الا الشهيد
هوه الوحيد
اللي لساه حي وسط الهرتلة
والمسألة ببساطة وبدون منقلة
الكل شارك ف الدموع
اللي كتب
واللي قرا
واللي حكم
واللي ظلم
واللي برا
واللي فطر قلب البلد
ومافيش ولد ف زمن جبان
كسر حصون المهزلة
تحيا الكراسي
والمراسي
والماسي
واللي ناسي افكره
واحد يقول فيه اسلحة جوا الكنايس
ف قلب جرنال البلد
واحد يقول متعيدوش علي بعضكم
ليعضكم ..
قولوا للكف الملطخ بالدما
لتكن سعيد
ليس هناك ما يسمي
عندنا الشئ الجديد
ملعون ابوكم مرتين
ملعون ابوكم مليونين
علشان يموتوا وهما لسة مصليين
وانتو لسة مهمومين باسعار طماطم
واللي صاحي واللي نايم
والا مين يركب لمين

المجد لله ف العلا علي ارضه اذكي السلام
ومافيش كلام يتقال ومدهون بالعسل
غير وسط شلال الدموع
اخبار ضحايا الكشح ايه
اخبار ضحايا النجع ايه
حدش يقولي مين كسب ف البرلمان
حدش يقول مين خسيس .. مين الجبان
رك وصل
عادي وبيحصل ف اي حارة واي حي
لكلك لسانك مانت حي
الحال تمامممممممممممم

المجد لله ف العلا علي ارضه نرجو السلام

ماجد

[فهد علي]

سبحان الله وبحمده سبحان الله العظيم
لا إله إلا الله محمدا رسول الله صلى الله عليه وسلم