سميتك حسن زي جدَّكْ ...
شان الجود يغلغل جلدكْ ...
اماتكفُّو شتْ وانتمُّو غُبْنو يهدَّك ...
شفقان في المروة وجيبك يسبق يدَّك ...
رغَّاماَ تخاف من الله بس في الله سيفك وردَّك ...
أما أخوانك الغلطان عليك تعْفاهو وتْراضيهو لامن يودَّك ...
تلحق حدُّو بالصبر الجميل والطيبة يدخل حدَّك ...
ماها العيبة في زولك غلط واتمادى ,
يا ها العيبة كان خليتو زولك ضدَّك ...
.....
وأبوك إنْ قالَّكَ الغيم انْحدر ابراهو ....
واعدلْ راسك المطر إنْ بدا اتلافاهو ...
والبسقي القلوب مابشربْ أصلو براهو ...
والجاييك وأبوك خيراً ترابو سماهو ...
إنْ قلبنْ عليك أمَّات سنيناً زرَّة ...
مابتلمَّ في جلدَ الكريم وينحرَّ ...
بشقى العترو في بطيناتا ويرْد البرَّة ...
والورهو من لمعة سنينو الغرَّة ...
إنْ ماانسنَّ بالحارنو مابتسرَّ ...
....
...